轉眼之間已經係2018年的Q2，你對自己2018年事業發展如何評價？今年加咗幾多人工？
明查暗訪下，SJ發現非常多的私人市場工種，過去一年只加了低於5%人工，升職則作別論。很多非神科大學畢業生，哪怕是三大還是海外回來的，畢業幾年人工還徘徊於 < HK$20,000 的水平。
常言道「工字無出頭」，呢句說話在今時今日的香港，簡直係至理名言。 當然，所謂「創業」做生意，又是否有出頭天，還是邁向人生更深陷的深淵，則是另一個問題。
香港人一直自以為傲的獅子山精神，來到2000年代打後，在大學院校尤其HKU，mutate為一種「搏盡」精神。
任何在HKU讀過書的人，肯定知道「搏盡」是什麼一回事。
簡單而言，搏盡就是在HKU讀書時，在每日有限的24小時，既要上lectures及備課(optional)，寫paper做project，再參加上莊活動 (極度耗費大量時間)，Hall球隊訓練，拍拖，做part time賺錢，報intern等等，然後在凌晨1點再與一大班人落西環食宵夜糖水。
把有限的青春完全燃燒發亮，而睡覺是留給弱者的。
這種搏盡精神，同時鼓勵你跟大隊，埋堆，social，做一個conformist。假如一大班人在叫一個口號，你應該做的，不是去質疑點解叫呢個口號，而是走到這班人最前，把這個口號叫得最大聲最響亮。這就是搏盡的團隊精神了。
畢業後，這種搏盡精神也再次mutate及昇華，變為職場的「拼搏精神」：大家鬥遲放工，夜晚7點個office會空晒，因為大家落街食個晚飯，然後8點開始又變得非常熱鬧。直到10點左右才開始陸續離開office。
彷彿越忙，人生事業便越充實。 但實情係咪真係咁？
其實，人生事業大概分3個境界。
Unclassified：窮Hea
冗員，而且甘心做個冗員，凡事事事旦旦，A字膊射波但求交勉強合格工作就算，天跌落黎當被冚。
下級：窮忙族
將人生完全交給一間不顧你死活的公司，或者係回報極低的(夕陽)行業。迷信只要用時間搭救，就可以搵多一點錢。
呢種極常見於各行各業的Agency，亦係一種傳統「農耕」思維，迷信多勞多得。但實情，本身件事回報低，點磨都唔會搵多幾多錢或者升職。
中級：忙 但搵到點錢
呢種常見於中環工種例如專業人士及各行各業大公司的中層Executives。月入十萬八萬唔係大問題，甚至十幾二十萬都大有人在，但你本人必須無時無刻係Available，無時無刻係思緒同行動都巔峰狀態，因為你將你個人的 1)聰明才智，學歷技巧； 2) 大量時間 以一個相對「好價」賣給公司或客戶，而且獲取一個相對穩定收入以及出入甲級寫字樓，座談會的酒店及Business trip的機場等的「體面生活」。
上級：錢搵錢 + 人幫你搵錢
知易行難，簡單來講都係做生意，但做生意無包成功，甚至好可能會失敗，
但尤其活在呢個時代的風口，取得商業成功早已不限於傳統行業。
大家見到100毛已經唔算幾石破天驚，真正令你甚至暗地無地自容的，可能係大陸「喜茶」，共享單車「摩拜」等，30歲不到創立了市值幾十億的生意，而且仲係做一些創辦人真心熱愛感興趣的事業，而唔係沒完沒了做文件做Excel，為了辦公室政治打個你死我活。
但呢度，更重要了解一個概念，就係「代價」。以上每級的事業程度，其實都要付出相應代價。
Hea窮代價最低，回報亦最低，可能做好多年月入15k都無。
你肯努力，但拒絕認真思考或增值自己，就只能落得「窮忙」的地步，月入22k但已經朝9晚12，連星期六日都要返公司執埋收尾。
你肯努力，而且讀到書，考取好多專業資格，思想分析能力上乘，咁你就好可能做到中級的專業人士及Banker之類，都係忙，但起碼月入以十萬計，買得起樓同車，過體面生活，講出來又威。
但要去到「上級」，實在太苦難。努力，天份，思想分析能力缺一不可，但更重要就係願意放棄自己的光環，而且要Take risk，你好可能唔會成功，你仲要唔要堅持？ 呢個就係達到如此成功的極大代價。
但無論點都好，你肯付出什麼代價，就更大機會可以過怎麼樣的人生。
撇除錢同收入以外，人生更重要係追求到自己的生存價值，自己的「存在感」，原來對呢個世界都帶來一點點正面的貢獻，做過一件產品好多人都中意。呢個遠比單純的錢，來得更大滿足感。
SJ結語
所以，無論志向如何，一定要「思考」，同埋要明白「代價」的含義，才不會大半生窮忙白活一場。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略