常言道：「做政府 無痛苦」。
在這個物慾橫流的荒謬世代，如自問並非Top 1%精英，若要生活過得好，最好就係一畢業就疊埋心水入政府，加入呢個年年跳Point加人工的大家庭。
呢個現象，導致公務員團隊裏面，充斥大量扼餐飯食之徒：對市民態度惡劣，工作就通通以耍太極方式推來推去。而呢個亦係「申訴專員公署」存在的目的，就係監督政府部門，唔好俾佢地扼份糧唔做野之餘，仲要確保政府服務質素。
香港的其中一個公開的秘密，就係政府係「秘撈」的重災區。或者，好多政府工都真係太得閒。
更誇張的例子，聽聞過有人工唔低 (接近三萬) 的全職公務員，竟然同時開左間鋪賣野。平時請個人看鋪，自己放工同週末就過去坐。
當然，SJ亦絕對不會抹殺非常多工作有熱誠的公務員及紀律部隊人士，其中有好多對自己的職業真正有「使命感」。據說有唔少甚至會係放工時間，都會一班同事出來聚會，期間仲會傾大家返工時可以點樣將自己的工作做得更好，令其他同事都更加易做之餘，亦會幫到市民。
有些老派公務員，亦會為「公務員」呢副幾十年來的金漆招牌，非常努力地工作而且謹守原則，以捍衛呢個團隊的榮耀。
然而，假如真的要從中選擇一個部門，係香港市民最熱愛與敬重的，除了出入火場救人救火的消防員外，「郵差」亦絕對當之無愧。
Credit: TOPick
只要係返寫字樓工的，一定唔會對郵差感到陌生：
每日幾乎同一時間非常準時，突然間「叮噹」。每日都係同一位中年郵差叔叔，非常有禮貌地將一大疊信交俾Reception同事以及打招呼，而他往往有一大個綠色的袋放在公司門口。郵差派信後，往往都衝出門口按電梯制走人，貌似非常趕時間。
其實，郵差真係非常趕時間。每天揹住據說有 16 – 35 公斤的郵袋出行，全香港大約2,000個郵差，而每位郵差每日要派大約1,600 – 2,000封信！即使以常識推斷，入信箱有入到手軟，更何況要走來走去唔同地方派信，而且絕對唔可以派錯，可想而知會趕到咩地步。
或者因為呢個原因，郵差雖然並非紀律部隊，但一樣要考體能測試。大佬，就算做Gym要你舉35公斤的啞鈴，估計大部份普通人都「不舉」投降。但郵差揹住個「大啞鈴」，日日係條街到跑來跑去無休止，日晒雨淋，其實真係唔簡單。
還有值得留意的是，香港郵政差唔多係全世界最可靠的郵政服務。
去旅行去得多的朋友肯定有呢個經驗：在外國寄明信片返香港，在某些國家效率頗高，例如首屈一指的日本，往往係你人未返到香港，明信片已經到達。相反，好似法國，西班牙，甚至越南呢的國家，往往封名信片好似消失左咁，通常會半年後，係你已經忘記之際，名信片終於到埗。
可幸的是，香港郵政屬於世界名列前茅的郵政系統，基本上本地郵件第二日一定到，亦鮮有寄失事件。
郵差人工話低唔低，話高唔高。起碼都算係足夠生活的範圍。但郵差的使命感，並非如消防員「救人救火」呢的咁Dramatic，反而係淡泊而低調的 「Get things done」，將自己分內事恰如其分地做好。呢種安守本分的淡泊，流露著幾分「居處恭，執事敬，與人忠。雖之夷狄，不可棄也」的現代儒家精神。
Credit: HK01
或許郵差唔會係咩人生勝利組，但專業勤奮的郵差團隊，其實有一種崇高的「Nobleness」。SJ僅此邀請大家，向身邊的郵差朋友致謝，以及向全港辛勞的郵差致敬。
畢竟，係呢個不堪入目的政府，郵差部門依然能令人眼前一亮，其實殊不簡單。
SJ結語
下次收到名信片時，想想中間其實點樣由郵筒，經過幾多個郵差，跑來跑去，先送到來俾你。
這就是為甚麼，我們要向全香港的郵差致敬。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略