香港發生近年最嚴重交通意外，全城譁然。據稱事緣巴士司機不堪開車前被乘客投訴遲到，終於在短短沙田馬場到大埔的路程，故意開快車而轉彎時失控導致致命車禍。
其實，相信好多香港人都有同感，好多時坐巴士，架車快到好似賽車一樣，無論係平地定山路，轉彎經常係急速入灣，一有機會就用全力加速，好似要破最快Lap time一樣，而乘客往往敢怒不敢言，即使投訴到巴士公司甚至運輸署，往往都係得官腔答覆。
巴士都係冰山一角，馬路上各式各樣私家車，的士，小巴，七人車，旅遊巴，貨車等，無不在馬路上「生死時速」：當你在限速70的公路上行70甚至75，後面一時就有架中港牌Alphard以超光白光高燈狂閃你直到你讓開為止，轉頭又有架大貨櫃車在後面推你，而他們的時速往往高達100甚至更高，然後旁邊快線又有架寶馬3系以估計130時速在你身邊掠過。
當你嘗試轉線時，又經常會遇到一些契弟在隔5個車位距離的後方，一見你打燈甚至已經過緊線時，立即全速加油追上來唔比你過。而在燈位時，轉燈後假如並非好似Mario Kart一樣黃燈已經比油，後車又會狂Beep你。
在香港的馬路上開車，很容易有種感覺，係香港好多惡人。然而，其實呢D人，估計大部分本身都係普通不過的人。但這些普通人，唔少一坐上個司機位就變咗黑社會大佬咁款，在馬路上唯我獨尊，甚至不惜拿自己及別人的生命安全來鬥氣。呢D人，真係馬路炸彈，害己害人。
其實，反正香港都太多車，與其再加車稅，倒不如行個Merits based的考核，好似大公司做Aptitude tests一樣，再測埋為人EQ及抗壓情緒，以及有否嚴重性格缺陷。好似今次呢個九巴司機，擺明一上車就狂躁症咁款，假如一早就可以Filter掉呢種人，可能就可以避免呢個車禍。
不過，呢個固然都係天方夜譚，行政成本上同技術上都無乜可能做到。唯有希望並呼籲所有香港司機，慢慢開啦，小心駛得萬年船，爭幾秒之長短，隨時害咗好多人，而且影響自己一生。開車其實對其他人有好大責任，成熟一點，唔好一開車成個MK仔上身咁，可以嗎？
SJ結語
你身邊有有否呢種暴躁司機？真係唔該提醒下佢地， don’t be an asshole.
又話分兩頭，有時咁睇，可能AI取代人類真係唔係壞事….
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略