香港人大概係世界上最悲觀的族群之一，其中固然有唔少根深蒂固的原因，例如樓價高企，社會貧富懸殊，政策不公，甚至空氣污染等好多好多原因令我地So9Sad。
但SJ團隊認為，雖然以上所講都係真的，但其實即使在困難時期，依然必須懂得感恩，才可以有每日繼續堅持的動力。正如《男兒當入樽》安西教練的一句：「直到最後一刻，都不可以放棄希望。一旦放棄，球賽就結束了。」
人生最少有4件最值得感恩的事情：
1. 身體健康：自己以及家人
Credit: TVB
或者無人比香港人更了解身體健康的重要性，每逢去飲，香港人乾杯前，開口埋口都係「身體健康！！」，相比鄰近地區的大媽與土豪普通話的一句「開心！」 更加Specific，健康真係如此重要。
身體健康，有手有腳，行得走得，不用出入醫院食藥，其實已經係人生No.1 幸福而且值得感恩事情。
題外話：買定醫療保險，定期身體檢查，注意飲食同作息，以及充足運動，其實真係Life-saver，不可不察。
2. 家人相處融洽
所謂家和萬事興，尤其係同自己直屬家人例如父母，兄弟姊妹，夫妻同子女，大家相處融洽，互相支持鼓勵，坦誠相待，其實可謂千金難買的幸福。家庭點解咁重要，就算實際層面來睇，其中一個原因，就係互相有個照應，平時互相幫助，而且一方有難，八方支援，呢個就係家人可貴之處。
3. 財務健康 + 有份前景唔錯的工作
身體健康以外，財務健康都好重要。唔止係有無錢咁簡單，財務健康係一個相對的概念：收入 vs 支出，資產 vs 負債。
人窮離唔開3大原因：貪，懶，揮霍。想變窮？其實好簡單，個個星期去澳門 / 入馬場賭錢，包你窮。
要財務健康，自然就係以上所講3件事調轉：適可而止，勤力，節儉。例如，出入係咪一定要坐的士？除非你好似Uncle Siu咁成功，否則來講Chances are你的時間根本唔值呢程的士車錢。何況，你節省了的時間又有幾Productive？定係早D到目的地然後繼續打Candy Crush定係睇韓劇？ 呢個要自己好好考慮。
假如你財務整體上健康，平日可以「Live within your means」，有積蓄，偶爾食好西/ 去旅行依然無損你的穩健財務，那麼恭喜你，其實已經非常值得感恩，尤其比起那些餐餐清的朋友。
4. 有一兩個可以交心的朋友
呢個可能係最容易，但對某些人來講亦可能係最難。畢竟人會變，舊知己在最後，真的可能變不到老友。
但假如你依然有有一兩個可以交心，可以推心置腹的朋友，其實已經要感恩。
人生在世，要有一個你相信而且了解你的朋友，已經唔容易。友情其實好可能比成敗，更令人敬慕。
SJ結語
笑罵由人，灑脫地做人。你又做到嗎？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略