2018年踏入5月尾，香港提早進入酷暑期，連續10日溫度達到35度，熱到一個地步係比七八月有過之而無不及。
不過，起碼呢排天空藍天白雲，而且污染唔算特別嚴重，其實都幾有另一番風情既。
然而，令人憂慮的是，在全球暖化下，香港真係明顯地變得越來越熱，可能係因為亞熱帶地區的關係，原本頗為分明的四季，開始完全向夏天傾斜。
以前10月開始涼，12月已經好凍，聖誕節已經完全係寒風凜冽，尤其「單身狗」倍感Lonely Christmas。
而4-5月係春天的黃梅天，而且未過端午節，依然係乍暖還寒，所謂「未食五月粽，寒衣未入櫳」，就係廣東人的對節氣的傳統理解，最少過去幾百年都係咁。
但根據非正式統計，大概2005打後開始，香港過聖誕，竟然日頭可以著一件短袖T Shirt都輕微出汗，夜晚亦只需加件外套就夠暖，真正感受到冬天的日子，從以前的11-3月，大大縮短到1-2月。 難怪天文台都話，香港可能幾十年內，「冬天」就會完全消失。其實都咪話唔恐怖，但社會上好似除左林超英同幾個環保L以外，根本無人討論呢個問題。
但今日SJ想問大家一個更加貼地的問題，就係大家覺唔覺得，香港近呢幾年越來越多蚊？
以前細個就話住市區的話，居住環境差或者低層，就會比較多蚊。
但呢幾年，SJ問左一大堆朋友，都異口同聲表示晚晚都被惡蚊困擾，尤其係11-3月呢D相對清涼 (已經唔係寒冷) 天氣，本身無需開冷氣，但依然經常有蚊，搞到無覺好訓返工無精神，有時都被逼開冷氣。 最可怕的是，他們都住在大型屋苑 (起碼所謂偽豪宅)，而住到中高層，都依然咁多蚊！
SJ分析過原因，估計最主要依然係全球暖化下，香港都變得越來越熱。 因為原來蚊的滋生與活動，其實好受氣溫形象，簡單來講越溫暖就越活躍，越凍就乜都唔想做。所以D蚊以前冬天基本上銷聲匿跡，而家都會出來咬人，而夏天更加係瘋狂繁殖。
除此以外，香港的衛生環境可能真係差過以前，其中一大原因可能係人口過多，其中包括居民同旅客，人多自然垃圾亦多，多垃圾亦係有利蚊蟲滋生。
大家又覺唔覺得，香港越來越多蚊？
希望大家踴躍在FB Post留言發言，講下你地的抗蚊情況。
SJ結語
其實SJ一直都好關注Global Warming，因為確實係影響全人類Well-being甚至係生存的難題，而且難在於全球暖化一早已經成為一個不可逆轉的趨勢，只會越來越暖，而且暖得越來越快，而水位亦升得越來越高。
確實，相比起好多其他社會問題， Global Warming似乎係一樣流於學術的問題，因為大家覺得無迫切性。
但其實，已經迫在眉睫，但大家又能做什麼？
或者每個人根本改不了多少，但最少，真係最少，嘗試從自己開始，可行情況下盡量省電，盡量少開車多坐公共交通工具吧。起碼當係為地球同人類後代積一點福…
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略