香港本土文化的其中一個重要元素，就係聞名世界的「廣東粗口」。
明代大將軍袁崇煥除咗因為抵抗外敵而名流清史，仲因為一句「屌那媽，頂硬上」而令後世廣東人感到廣東粗口源遠流長的歷史感。即使幾百年故去，在這個Facebook與iPhone的年代，廣東人依然都會講同樣的粗口，可見文化歷史得以承傳，令人倍感欣慰。
外國最近有研究發現，講粗口流利，好多時候係高IQ的一個特徵，原因係大腦有足夠能力處理額外的語文助語詞，殊不簡單。
其實，應該咁講，起碼以香港的Context而言，講粗口流利，而且可以雅俗共享而秒速轉台，轉返禮貌與專業的遣詞用字與腔調，呢種人往往係學界精英，將來甚至係行業翹楚。
真正的粗口高手，如古代「止戈為武」不輕易亮劍的大俠，唔會輕易動用粗口鬧人，甚至唔會輕易鬧人或動怒。因此，呢度可以將唔少街頭MK邊青過濾掉。
粗口的高境界，在於其亦怒亦樂的諧趣。真正要恐嚇人的話，用廣東粗口而言，往往只落得「古惑仔式」的騎呢效果，難以震攝對手。正如「無聲狗，咬死人」的民間智慧，有殺機的往往係一言不發的人。
粗口的上乘Application，在於嘻笑怒罵，正如以前的黃霑，或當代的Ben Sir，談論與應用粗闊，市井而不粗鄙，才是高手應有的境界。 而且，廣東粗口博大精深，身為講廣東話的香港人，無論平時有否講粗口的習慣，亦不應不求甚解，宜深入研究。
黃霑曾經對香港人常用的「撚 (常用錯字)」，有如此批評：
時 下 的 旺 角 金 毛 強和 大 學 生 ， 說 起 粵 語 粗 口 的 lun 字 ， 都 誤 作 為 「 撚 」 ， 霑伯 一 見 到 粗 口 的 正 字 遭 受 褻 瀆 ， 必 定 仗 義 執 言 ： 『 撚 條× 呀 ？ 呢 個 『 撚 』 字 ， 唔 係 粗 口 ！ 係 『 撚 手 小 菜 』 個 『撚 』 呀 ， 個 字 音 ， 係 N ， 唔 × 係 L 呀 ！ 」 － 陶傑
即使你對粗口的字義與語意無如此深入研究，正如以上所講，假如能流利而且健康地應用，以及隨時轉返個Channel，其實肯定非池中物。
「個條粉皮黃生日日打幾9十個電話來，講來講去都係個D廢話，仆街正一麻L煩。」
此時電話響 「喂黃生早晨！ 啱啱先同同事傾緊你公司個Project，其實都有D問題準備咗比你。關於2016個Audited FS………」
收線後 「拿！都話啦！條契弟又打來晒9晒D時間。」
同事「成日想搵人笨7，真係話佢On9怕佢嬲。」
除咗聰明以外，適當地講粗口，亦有好多其他好處：
1. 減壓：將鬱悶與不快，以最低Impact的形式 (即講粗口) 發洩出來，有助心理與精神健康。
2. 舒緩痛楚：身體不適時，適當地講粗口發洩，可以令你從身體不適中分心，暫時忘記痛楚。
3. 埋堆：呢個唔使講，尤其係男士，出來職場，無論地盤定ibank，開飛機定揸巴士，做個完全唔講粗口的「Goody Two Shoes」，容易被排擠。
4. 最高層次的，係以粗口來對抗 (或Mitigate ) 人世間的各種壞人壞事，同時用溫文爾雅及憐憫的態度來扶持與協助各種好人好事。當然，呢個真係唔容易。據說，城中某富豪非常「爛口」以及Ruthless，卻依然能有「菩薩心腸，霹靂手段」去扶持社會弱勢社群，實屬難得。
睇到呢度，你對粗口又有否改觀呢？ 唔係叫你粗口爛舌，但如何有效地使用廣東粗口，其實值得思考。
SJ結語
你身邊又有否粗口流利的朋友，佢地IQ轉數係咪特別快呢？快L的Tag佢出來啦！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
