2018年香港人的無奈感空前絕後，其中一個原因主要係樓價瘋癲，令好多本地香港人無奈到一個地步有種「末日感」。
樓價瘋癲會否持續下去？專家同「磚家」都有各式各樣睇法，有人話加息+貿易戰+樓市供應+經濟週期 = 樓價會跌；亦有人話人口政策+土地有限= 樓價繼續只升不跌。
點都好，無人有水晶球，唯一公允評論就係：假如訓身借財仔買樓，樓價大跌可能變負資產；但假如唔訓身買樓，樓價繼續升就繼續買唔到樓。 當然阿媽係女人，哈哈！
當香港人唔開心的同時，原來亦有好多外國人來香港工作定居，主要有我地熟悉的英美澳加鬼佬，仲有印度星加坡甚至中東非洲等外國人，形成所謂所謂「Expats」族群。
最近SJ留意到有Expat網站群組，有人開帖問住香港有乜好，其中一個高質留言引來頗多好評：
「This city gives you the balance if you have the awareness. And balance in every sense, from super fast life style to peace in the middle of the Island. From clubs and great restaurants to nature parks and beaches. People for most part are nice to you.
Yes, it is an expensive city, but if you are prudent, you can save….. Fairly expat friendly and if you want a larger apartment, then you can live away from the center, about 45 mins away. This in most large cities is a normal commute. Tbh, Hong Kong spoils you. 」
大概意思係：
「人在香港，生活可以有一種『平衡』，如果你選擇有序的話。平衡亦在好多方面體現：無論係高強度Work hard play hard的生活，到即使在港島內都可以找到的慢活生活；從高消費的消遣場所同高級餐廳，到免費的行山同海灘。大部分人對幾Nice。
在香港生活確實好貴，但假如你懂得謹慎處事，其實都可以儲錢…. 如果你想住大一點，可以選擇住遠一點，但大部分地區距離中環，其實都係大概45分鐘左右。在其他國家的大城市，45分鐘不過係普通通勤時間。老實講，活在香港，容易被寵壞。」
平心而論，撇除樓價以外，活在香港確實豐儉由人。在中環，有大量Fine dining超高價米芝蓮餐廳，最Exclusive的日本廚師壽司店，食餐飯隨時幾千per head，但10分鐘步行距離外，竟然食雲吞麵30蚊有找，加多9蚊仲有碟菜心。想做運動Keep fit，有好多人搵一萬幾千，依然選擇大型連鎖Gym Room幾千蚊一個月，其實係咪必要？係咪一定要在冷氣房跑步機跑步？定係可以去公園跑，用單槓做引體上升？據說康文署幾十蚊一個月都有設備齊全的健身室，則是後話。
星期五六晚，係咪一定要同朋友去LKF飲貴酒？定係可以返屋企食餐飯而且更加健康，其實都係一個選擇。
當然，呢個「選擇」，從來都唔容易。食元氣壽司都唔係咩高級餐廳，但都閒閒地要$100-$200 per head。朋友生日約打邊爐，平極都每人$200，唔通以後食樹皮，斷六親無朋友？
做任何決定，都有代價，有機會成本。人從來都有無盡慾望，但係只得有限資源，無論係時間定金錢。唔係叫大家一味退而求其次，將來要食$2 空氣包當Lunch，夜晚就食罐頭，然後行2個鐘返工省車費。但始終，人生在世，點都要懂得選擇，懂得平衡。
香港樓價物價係癲到上太空，可能將來會跌，亦可能唔會，但始終要有呢2個信念：
1. Tough times don’t last but tough people do
2. 機會留給有準備的人
讀緊書的努力學習，做野的爭取晉升同增值機會，生活使費凡事量力而為，心態避免鑽牛角尖，則距離心目中的「幸福」依然可以越來越接近。
總結來講，香港的「好」可以歸類如下：
1. 交通便利：全香港都係 1 小時生活圈內 （假如你在中環返工）。
2. 食物：多選擇，中西菜式一應俱全，平貴都有，普遍都Affordable。
3. 安全：治安好，夜晚返屋企都唔怕，相比西方城市，少醉酒鬼鬧事。
4. 郊野公園 + 海灘： 一步之遙，大城市計，香港呢方面絕對無得輸。
5. 樓價：如果你一早買咗幾層樓 (如果無，呢個就係香港的最大缺點)。
6. 機會多：消費慾旺盛的密集人口 + 金融中心 = 其實都有機會成功出頭，競爭大但潛在利潤都唔細。
7. 衛生：肯定無日本台灣咁乾淨，但比好多鄰近的經濟強國城市好，而地鐵之類更比西方地鐵衛生得多。
8. 家：始終，無得改變自己的身分，自己成長的回憶，熟悉的街道，語言同笑話。去到邊，始終都係 「Nowhere like home」。
香港人，只要艱辛努力，總算是歡笑多於唏噓！加油啦！
SJ結語
香港人，睇完呢篇文後，你又覺得幸福嗎？歡迎留言分享下你對「幸福」的定義 😀
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
