相信好多人都有呢種感覺，人大咗，聖誕節無以前咁有節日氣氛。
人有自由有錢，聖誕想點過就點過，理應更加開心先係，究竟點解會有呢個現象？
最近SJ團隊同一位讀心理學畢業的朋友傾談就講到呢個話題，發現有幾個大原因。假期已放，節日在即，假如大家都對呢個完全Academic而無任何實用性的問題感好奇，歡迎大家睇下認同與否或者發表講幾句。
1. 人大了 不再跟隨聖誕節的Routine
所謂「聖誕節的Routine」，只要你在香港長大，chances are你的中/小學時期每年均「行禮如儀」。香港大部份津貼學校都係教會學校，每年到12月就日日早會唱聖誕相關聖詩，例如《普世歡騰 / Joy to the World》《馬槽歌 / Away in a Manger》 《平安夜 / Silent Night》等3首必唱Christmas Carols，甚至有點洗腦作用。
然後到臨放假當日，定必係學校 Christmas Party，同樣地在早會有好多「福音分享」由傳道人/ 老師講耶穌出生的故事，以及全校讀經唱聖詩等活動，而全校學生在Holiday Mood下無論是否教徒都特別投入。聽耶穌成朝後，終於到Christmas Party本身，玩集體遊戲，抽獎/交換禮物等等。
無論你信耶穌與否，除非你極度Anti-social，不得不承認以上呢個流程其實係幾開心，尤其可能係因為青少年時特別無憂無慮。而呢種開心的認知，正正同聖誕的「Experience」互相交織。
人大咗，除非你係教徒，基本上唔再跟呢個流程，所以感受唔到聖誕氣氛。
2. 不再輕易覺得驚奇
Credit: HKDigit
細個時，父母帶你去尖沙嘴海傍睇燈飾，大廈外牆掛上裝飾成聖誕老人的七彩燈泡；抑或帶你到商場見到好高的聖誕樹，上面仲由好多裝飾，你會覺得一切都好驚奇。
當然，到大少少，中學時期同同學去倒數，每人拿住枝0.5%酒精的果汁扮大人，每年僅餘一兩晚得到父母批准出夜街，到11:59萬人空巷倒數 5, 4, 3, 2, 1 Merry X’mas! 你會覺得成個經歷好新鮮好刺激。
呢個弔詭地同上面的「Routine要求」似乎相反，上者講繼續做同一件事，呢度講做一些聖誕相關的新嘗試。
人大咗，首先你唔會再去倒數，其次係即使你會去，都可能覺得好無聊，人又多企係度唔知做乜，而你望到商場的聖誕樹你第一個念頭可能係「塑膠樹」或者「鬼咁多人」。
當然，假如你可以有新的Stimulation，則可以維持呢方面的聖誕氣氛。例如，當你賺咗少少錢，可以去北海道過一個白色聖誕，在漫天飄雪下睇到一棵聖誕樹，同在Landmark人逼人的一棵樹係截然不同的經歷。
3. 顧慮太多 不能享受當下
Credit: Internet
人大了思想難免複雜，每人對自己，對身邊人，對自己的事業等有太多太多責任，而呢d責任又會為你帶來好多每日要做好的事情，其中大部份都唔係好Pleasant的，或者起碼係頗重複而繁瑣，或者係瑣碎無聊。例如，聖誕節即使你同朋友食飯慶祝，難免唔少大人的世俗顧慮：餐廳的選址是否合適，要請邊個而唔請邊個，Budget大概幾多；而期間可能又會擔心放假前丟下未完成的工作，而放假後又該如何處理等等。
相反，細個時，聖誕好簡單，不就是交換禮物，唱聖詩，出街玩，食聖誕大餐等，少好多其他顧慮，玩完就返屋企訓教，連天氣凍都有阿媽準備好厚厚的棉被，在酒店食聖誕大餐亦無需擔心月底的卡數或快將到期的稅款，皆因通常都係阿爸埋單。
4. 用腦太多 用心太少
人大咗其中一個重大特徵，就係會有大量Cognitive thoughts。對好多野，都有自己一番見解。正如外國名言「 Opinions are like assholes: Everyone has one.」 見到商場聖誕樹，第一個念頭想到「地產霸權」，而非「棵樹好靚」；聽到街頭的報福音耶教徒，好多人則不屑地一句「耶青」，而非感受教徒的祝福。
畢竟，在2017年的香港，生活確實艱難 (除非你唔買/租樓，則作別論)，而除非你真係好搵得，好有父幹，好離地，即使買樓亦完全不用擔心，則可以不食人間煙火對種種社會問題嗤之以鼻。
但另一邊廂，凡事都講平衡，當一個人太多太多批判，其實可能只會癱瘓自己行動力，而且容不下其他感覺。聖誕氣氛都係好例子，係人都知無聖誕老人，而大部分人亦唔信耶穌或者懶理耶穌是否存在，但感受聖誕的祝福及節日氣氛，打個比喻肯定唔係用腦而係用心 (或者更正確來講，係大腦負責處理感覺個部分)。
SJ結語
無論你是否耶教信徒，聖誕佳節不妨嘗試再感受下兒時的聖誕氣氛，欣然接受他人的祝福，甚至將祝福送給身邊人。
或者呢個就係解答本文題目的最佳辦法：Love conquers all。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略