2017的香港，身為Fresh Grads面臨競爭大，人工低又無前景的局面，畢業一兩年就難免感受到25歲的10個無奈。
然而，無論大環境好定壞，其實每個年代一樣有一批唔靠父幹，而靠自己跑贏大市的人。SJ除左透露各行各業人工同工時之外，其實亦主力搜羅職場上位攻略。今次就講下，點樣 1) 如何準時放工 同埋 2) 爆數爆KPI 人工坐直升機咁升。
SJ希望大家細味呢句係人都聽過的道理： 修身齊家治國平天下
先講 修身：唔好再 9 Hea / Procrastinate
絕大部分25歲的人，甚至絕大部分成年人，其實都未用盡自己的真正個人能力，其實好可惜。
雖然話返工做野係分內事，但唔少寫字樓工的 真-朋友，都會坦誠自己返工其實好多時都分心扮工：上FB上高登，一上就成個鐘，然後逼自己做野，做唔夠5分鐘又被Whatsapp分心。日頭大部分時間扮工，結果就成日下午4，5點先知PK啦，放工前趕唔切，就逼住OT。
其實，連自己都Manage唔到，確實好難Manage到一隊人，更遑論自己創業Manage一間公司。
出來社會後，10年甚至20年過去，其實當初同一起跑線的人，成就的分野，往往並非能力所影響，而係對自己的紀律 (Discipline)。
做大事，往往唔係真係某一日比你做成一單大Deal大生意，從此就成功，而係由你20歲到30歲，每日都好Disciplined 做一些唔起眼但有價值的小事：無論係工作，進修，人際關係等等。
工作：你同Grade的同事，每個月可以做到20個 Accounts依然從容自若，但你做10個已經叫晒救命。嘗試搵出原因。假設大家IQ一樣，就好可能係你浪費左不必要的時間，時間管理出左問題。
SJ最近發現一個時間管理方法，專門對付Procrastination，對工作同讀書，甚至係創作同做運動Training 都Work。
就係所謂 Pomodoro方法，詳情可睇Wiki，但簡單來講：
Credit: Life Wire
1. 每日朝早，用5分鐘計劃並訂下當日To-do list，每個Tasks盡量拆分為25分鐘左右可以完成。
2. 搜羅一個Timer，iPhone都得，但更加好係用煮野食個種Pomodoro Timer，因為唔會Distract你，而且又容易睇到倒數時間。
3. 每25分鐘為一個Session， 用Timer 倒數25分鐘，然後開始做你To-do list的Task 1。
4. 25分鐘過去，在倒時的壓力下，你好可能已經超額完成。
5. 休息5分鐘，飲下水。記低你完成左一個Session。
6. 再倒數25分鐘，做第二個Session。每個Session完左休息5分鐘，而每完成4個Sessions就休息15-20分鐘，如此類推。
以上每節時間可以因人而異，拉長縮短。重點係要比自己一個時間壓力，無論係做野定休息。時刻提醒自己時間流失，你得快手做野唔好掛住Hea。 呢個可以大大增強你的時間意識。
非正式統計，用呢個方法做野，工作效率增加50 – 300%。
無論做Sales，定睇KPI做人，工作效率高左，條數都靚左，升職加人工都指日可待。
日復日，年復年，有紀律地做有價值的小事，所謂大事就係咁做出來。
Credit: Fred Miranda
再講齊家 : 信唔信都好，家庭係你No.1 團隊
好多人以為，一定要老豆家財萬貫先係有家底。其實非也。
絕大部分人低估家庭價值。 其實，幾乎每個人的最大後盾，就係來自家庭。 好多人出來社會後，先明白父母是真正”Got your back” 的人。 無他的，當你需要真正幫助時 (需要時間或金錢犧牲個種)，大部分情況都係得父母會幫你。朋友就算想幫你，可能都愛莫能助。
真正家底，其實就係當你一家人父母兄弟姐妹，大家都Adopt一個正向思維，融洽相處，互相幫助，鼓勵同提點，呢點已經係家庭的力量。
有一個咁樣的家庭，勝過父母比100萬你創業。
咁你可能話，我老豆又硬頸又爛賭，阿媽又唔理野，細佬同我又無兩句，咁點搞?
世事邊有完美，假如家庭狀況並非最理想狀態，咁你就唯有盡量幫家庭解決問題，亦要用「智慧」將 “家庭就係最大支柱” 呢個概念解釋比他們知，嘗試講服佢地。所謂家和萬事興，呢個道理非常老土，但亦經得起時代考驗。
就算李嘉誠，好多人Focus擺在他娶了個有錢表妹，但忽略左個重點係李嘉誠對自己身為教師的父親講的道理一直銘記於心：勤奮，對人誠懇有禮貌 (從其多年來對記者表現可見一斑)，亦係佢日後待人接物的 overarching principle。
有時候，最大的支持，其實不過係家人一句「唔使驚，老豆撐你」同埋一餐好飯與靚湯。
SJ結語
連自己都管唔到，憑什麼成功。可以將家庭都妥善照顧，更加係「治國平天下」的先決條件。
人生好多野真係談何容易，重點係要有智慧同紀律解決一個又一個問題。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略