比起成功,我們更應該學會如何面對失敗


SJ前言:TED talk在外國十分流行,內容由一些好inspiring 的講師將獨特心得激情地present出來,往往看到人熱血沸騰,非常適合有鬥志 or 在某刻(對於某些事情)感到迷惘的的讀者。好消息就係,讀者不必隔住個Mon睇 >> 因為 TEDxChaterRoad 在2017年12月31日會在香港舉行主題為:「MoveOn:致未成功的人」。讀者不必隔住個Mon觀看短片,更可以現場感受 idea worth spreading 的魅力,演講嘉賓來自香港本地的文化企業家、初創負責人分享他們的故事,與你一同尋找 「move on」的力量。

 

========================================

 

前排搭巴士嘅時候睇到本書,大意係話要停止過度的學習,要好好思考一下自己有咩係必須要做,有咩其實唔係真係咁有需要。當中有句說話幾觸動到我嘅,就係話:

 

「愈是忙碌的人,愈不知道自己為何而忙。」

 


的確,由未畢業開始,我地就已經習慣咗日又忙,夜又忙。以前大學嘅上莊、chur hall、忙功課,到出嚟做野,我認識的有兩類人,一類人係返工忙到天昏地暗,放工返到屋企就要瞓覺,第日又繼續返工,繼續呢個循環;第二類呢,返工可能無咁忙,但銜頭多多,好似咩都關佢地事咁,最尾都係無咩自己的時間。如果你問佢地,為咗咩搞到咁忙呢?佢地多數會答你係為咗未來,為咗更好的將來,我地而家必須要很努力,才能看起來毫不費力。

有時候,睇下電視,睇下Facebook,會發現呢個世界好像好多好勁的人,唔知幾多歲就成功搵到第一桶金,幾多歲就買到樓,幾多歲就成為某某公司的高層,領導群雄,全部都好像好成功咁。的確,佢地係有佢地叻仔叻女的地方,但又係唔係我地每個人都可以照跟,照做的呢?

絕對唔係!其實每個人都有自己可以行的一條路,就好似曹星如個教練咁,係曹星如出道之前已經好有心去推動拳擊比賽,最後終於俾佢等到由幾十個觀眾到坐爆會展;又好似有啲社企的創辦人咁,佢地走到主流商界的路,可能搵的錢冇咁多,但做的野無論係對自己定係對成個社會,都係有意義嘅。

所以話,成唔成功,唔係睇你做緊啲咩工,而係睇你有無搵到一樣你全心全意想做嘅事。呢件事可能唔係一時三刻就有收成,又甚至好似科學家咁,窮一生都係為咗一個研究,但呢個研究可能對之後世世代代都有重大的影響,計番又唔係真係好長時間。

 

 

近排搞緊個 TEDxChaterRoad 的活動,廣東話主講,今次我地就用咗「致未成功的人」做tagline。點解?因為覺得好多時候就算我地聽到台上的人點勁,最後返到去現實生活裡面,我地都係一如既往咁生活。於是我地就諗,不如倒番轉,叫班「成功」的人去講下佢地未成功的時候係點架喇,又或者講下自己有咩未成功。

 

Credit: TED官方Facebook專頁

 

出乎意料,無論係拳王曹星如背後的教練Jay、Uber香港區的總經理Kenneth,定係特首選舉期間聲名大噪的羅永聰,佢地其實都好humble,都好肯去分享撞過嘅板,遇過的經歷。

 



從小到大,好多時候我們都被訓練成為一個「全能」嘅人,讀書科科要叻,操行要好,品學兼優就係以前學校系統裡面一個最大的讚美。但時代變左,我地而家唔單止需要一班品學兼優嘅好學生,更加需要一班肯搞三搞四,不務正業的一班人。因為咁樣先至會有創新嘅事情可以爆出來,咁樣先可以讓我地的社會唔會變到咁悶,咁一式一樣。

 

而亦只有當我地開始發現自己嘅興趣,自己嘅天賦,我地先會可以開始行一條屬於自己的路。

成功,從來唔係一時三刻嘅事,亦都冇終點,因為當你跨過咗一關之後,重有千千萬萬關等緊你去挑戰。但如果我地連挑戰自己的勇氣都冇既話,咁就肯定係個未成功的人。

 

今年12月31日,我地會係香港大會堂舉辦上面提到的活動,我地唔講成功,講點樣面對失敗!尚有小量門票售賣,有興趣的話可以來睇下:

www.tedxchaterroad.com

 

Also on SJ:成功無父幹: 追求夢想 經歷的6個階段

 

原文為 TEDxChaterRoad 投稿 StealJobs:《我們這班未成功的人 最需要的到底是甚麼?作者 Daneil

 

SJ 結語

面對失敗要用怎樣的心態,小編也很有興趣知道。

2017年又要過去了,在最後一日充實下自己的腦袋也是不錯的選擇。

 


關注高質內容,讀神科又想入行頂級MNC / Banking / Law firm?即時填妥以下表格,SJ將不定時推送獨家行業活動 (絕不SPAM!!!)
* Required
    .
    This is a required question
    .
    This is a required question
    This is a required question
    請50字以內講完,唔該晒!
    This is a required question
    Never submit passwords through Google Forms.


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: , , ,

Comments are closed.