人在中環 香港人原來舉目無親

早前SJ在一家Rooftop Bar 與30歲不到月入10萬的私募基金A君閒談,講到香港的Private Equity公司,越來越多係香港只係擔當Back Office角色,用以支援上海北京的Front Office。

無論係i-bank的sell-side或各種基金的buy-side,越來越多係呢種人口分佈:假設一team 10個人,其中有 2個洋人或 ABC/BBC,7個國語系人(大陸為主,仲有星加坡,台灣),然後得1個local 香港人。

 

無他的,據說今時今日香港本地除了房地產與金融外,在地產金融霸權,及工業外移以及缺乏創科精神的大環境下,除了零星的GEM board細公司啤殼式IPO外,香港本身缺乏任何有意義的「項目」,無Deal好做。反之,係中國大陸,大量工業以外仲有非常多IT創科 projects,融資併購活動非常活躍。

 

因此,係香港呢個國際金融中心, 越來越只是擔當中間人的角色。資金係外國 / 大陸的,投資項目的projects則基本上都係大陸的,香港只係提供一個受英文的普通法監管的金融中心股票市場。

 

今時今日,中環的金融才俊,真係出來傾Deal果班,又或只是出來social,無論係投行,客戶,律師等,在中環的米芝蓮餐廳與私人會所,更多的情況係一大班港漂普通話人,開口埋口「高富帥」「 白富美」「 高大上」「牛逼」,以及談論「湖南衛視」的電視劇與「我是歌手」,大聲講大聲笑。 係呢種場合,如果你是僅餘的1,2個香港人,首先假如係單獨一對一仲好少少,但一大班人時七嘴八舌講普通話時根本聽唔明up乜。第二係就算聽得明,假如你係local土生土長香港人,其實都無咩好講,亦get唔到大家笑點。

 

呢種就係中環近年常見的現象:香港人係自己地頭,竟然係最舉目無親的一個人。

 

Credit: Internet

Credit: Internet

 

唔知大家知唔知,其實香港的國際學校,十居其九係全英文之餘,另外只會用大陸老師用普通話教簡體的中文課程,實行完全放棄廣東話。無他的,對於很多精英來說, 無感情或本土情懷呢個概念,眼裡只有永恆的利益。正如香港某李氏望族,早於清末已經在香港擔任英國的華人買辦,後來日本來了又甘願擔任受日本人指使的華人領袖,幫日本人做野,被很多人指為漢奸,但在香港重光後又親英,1997後則親北京。邊個而家係大佬,就跟邊個,就係咁簡單。

 

 

其實,正如以上中環的大環境下,唔難明白點解政府甚至呢的精英會主動完全abandon 廣東話。確實,在中環活動,廣東話的價值流於shopping與食野。 正如上述的Private Equity為例,香港本土deal極少,頂多係地產金融相關項目,而且市場早已飽和。 相反在大陸,各式各樣的項目:工業,科網,硬件 ,娛樂,一應俱全,單單閒閒地以十億計的deal,Professionals要食大茶飯,當然「西瓜偎大邊」。

 

Credit: Internet

Credit: Internet

 

呢個現象,可能都道出香港的另一個根深蒂固的問題。「獅子山下」精神香港人琅琅上口。傳統而言,難民逃避戰亂,偷渡到香港排除萬難定居,終於成功立足並成家立室,呢個就係獅子山下精神。

 

然而,香港甚至全個文明世界,其實一早過左呢個「安身立命」的階段。正如日本,今日在國際的影響力,似乎被南韓遠遠超越,被稱為患上「日本病」:文明精緻固然是一流民族的特質,但假若過於內向而自顧自憐,則難以重拾 80年代時日本那種萬丈光芒的魅力。亞洲四小龍之一的台灣也有類似遭遇,可謂成敗也「小確幸」。

 

今時今日,在國際間,亞太區最威的,無可否認係南韓的Samsung (雖然有時會爆炸)與從《Gangnam Style》到《太陽的後裔》娛樂產業;星加坡在國際左右逢源的金融市場及非常Brainy的李光耀家族公認的good governance(雖然民主人權係另一問題);以及玩科網與硬件玩到出神入化的深圳(騰訊與那些市值上十億的硬件start ups例如 DJI無人機)。Leave politics aside –完全唔計政治。

 

eason hanhong

 

曾經,香港都係咁威。大家還記得嗎?係不久之前,香港就係今日的南韓:從廣東話流行曲到電影,由羅文到張國榮,Beyond到張學友,70-90年代的香港就係亞太區最耀眼的潮流指標,幾乎可謂同日本並駕齊驅。那時候的香港,仲有無數「山寨廠」 ,無錯,山寨廠呢個term其實係來自香港本土的。當年的李嘉誠都可以算係其中一份子。那個全民皆廠的年代,製造出「Made in Hong Kong」這個質素與實惠的香港品牌,各種產品風行全球。

 

當然,時移世易,香港呢個彈丸之地都無可能變回一個工業重鎮,大家亦無可能走去穿膠花。但正因為時移世易,香港本土人更應該看清一個現實:你不強大,你的本土文化也不會強大。

 

Credit: TVB

Credit: TVB

 

SJ非常敬重捍衛廣東話文化的人,例如中大的Ben Sir,in a good way 講粗口講到出神入化,黃霑以後,實屬難得。香港文化本身非常獨特有趣,由複雜的殖民地背景與華人的奮鬥與詼諧組成。捍衛廣東話最好的方式,就係令廣東話與香港文化再次成為有魅力的文化及語言,變成外人都想學的語言,正如以前的日文,今日的韓文,及一路以來的法文。

 

如何變得強大,係個年代當然都離唔開流行文化,電影音樂,科技研發,甚至香港的本土美食等,這些基本上都不需要巨大地方與巨額投資就可以開始,要做大及衝出國際,更需要的係香港人的創意與解難方法,開到New York的添好運就係一個好例子。

 

就好似踢足球,英國西班牙呢的人口唔算太多的國家,竟然可以係世界頂尖國家,因為他們很專注踢足球,係人都踢,由細就踢。香港人,必須重拾那種敢於往外跑 (唔一定北上) 及研發產品的精神,敢Develop敢Sell 。只有這樣,香港才能重拾自己的魅力與影響力,廣東話也就跟隨其後。反之,自顧自憐就其實無補於事。

 

CREDIT: InternetCREDIT: Internet

 

希望有朝一日,係中環聽到的,會係更多的廣東話,見到的則是更多的本地香港人。Private Equity又好VC又好,更多的本地大Deal好Deal。

 

要達到這個目標,今天的香港人必須爭氣,而不是自顧自憐。

 

 

SJ結語

Make Hong Kong great again!

讀者補充:關於學日文人數 vs 學韓文人數方面,in my humble opinion 我覺得有少少偏頗 尤其可以check下香港留日 學日文 考N1 N2的人數 和考韓文試 留韓人數的差異 wwwwwww
利申:曾經留日
I agree that Jap entertainment industry and their pop culture are no longer at their height

 

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , ,

Comments are closed.