坊間好多書同導師教人成功心得同「性格決定命運」 之類。
計SJ話齋，其實無論各行各業，要成為1%精英的秘訣，最直接了當就係一句說話：
“Don’t waste my time.”
真正明白呢句說話的底蘊，而且能充分貫徹在自己的行為，哪怕你輸在起點線，依然可以持續地跑贏大市，甚至贏在終點線。
有一位曾經在美國矽谷做Startup的高人前輩，表示他當年第一次去Apple總部面聖，親自拜訪教主 Steve Jobs （唔係StealJobs，已改正），向教主Pitch自己研發的一項科技產品時，Steve Jobs對他劈頭一句，就係一口氣問呢堆問題：
“Are you smart? Do you know what you are talking about? Are you going to waste my time? ”
而呢幾個問題，亦在科技圈廣泛流傳，原來唔少Developers去 Pitch 教主，都經歷過劈頭就被教主炮轟呢堆問題，簡直可以話係教主 “特別的打招呼技巧”。
Steve Jobs: Are you smart? Are you going to waste my time?
的而且確，對於聰明人或任何日理萬機的人而言，最厭惡並非係遇到困難或挑戰，反而係最厭惡自己的寶貴時間被浪費。
正如蘋果教主 Steve Jobs 一樣，聰明人往往最憎人浪費佢地時間。要成功，就唔好浪費任何人的任何時間，做野要爽手，講野一樣要快狠準。
點為之浪費聰明人的時間？ 一般來講有以下幾個情況：
1. 你本身轉數太慢
精英一個重大特質，就係轉數奇快。無論你講一個咩話題，只要他們略有涉獵，基本上你未完成句子，他們已經完全理解你的意思，甚至幫你講埋你之後想講的話題，以及你內心所想的。尤其在精英本身擅長的領域，可以講到的insights更加係好似滔滔江水咁，而且以缺堤的氣勢與速度 “Bam Bam Bam” 講晒出來，好似個濃縮版Lecture一樣。
相反，轉數較慢的人士，可能語文能力 / 分析能力 / 記憶力 / 創意 等相對平凡，容易 Get 唔到人地字面所表達的意思，更遑論人地講呢番話背後可以再 Develop 出來的新意念。
例如，在大部分MNC Grad Job 的interview，考官會問到你一些唔識或未學的知識領域，呢個好正常。之後，考官會以 “暗示” 的方式嘗試引導你，令你可以自己探索出問題的答案。 對 1% 精英而言，當然是越少引導就可以令你 “叮” 一聲想出答案 就越好。
一點就明 / 話頭醒尾 就係呢個意思。
2. 你唔熟書 準備不足
無論轉數快唔快，假如唔熟書，一樣會令人覺得被浪費時間。
呢個更常見於日常工作，亦可能係兩個人Fresh Grad同一個位，人工都是2萬，但點解一個五年後升到Senior Manager / Sales Manager而月入7-10萬，另一個則停滯不前，只有每年跟通脹加4%的困境。
最近特首 “選舉” 勝出的女候選人， 固然民望低落。但平心而論，不論政治取向的話，只睇返電視辯論，其實都難免會佩服其 “熟書” 程度之高。 尤其以打工仔來講，熟書確實係值得尊敬。（當然，John Tsang都講得無錯，做領袖的話更重要係有Leadership）。
Did you try hard enough?
成日話，職業無分貴賤，其實都在呢點體現出來。無論做大律師定做百老匯Sales賣iPhone，對客戶可以非常準確解釋相關法律及案例，又或從iPhone 7的優劣講到HTC 同 LG 點解其實唔抵買，再講到 Samsung點解會爆炸。熟書的人，往往都係尊重自己職業的人，而客戶都會由衷敬佩。其實，真正尊重自己職業，當自己的工作係一件崇高專業的事業來做，自然會受人尊敬，無論乜職業都好。相反，假如準備不足，無論你係做McKinsey定投行，一樣令客戶厭煩而不齒，覺得你只係著住件老西但「呃餐飯食的契弟」。
3. 你根本無想過 點先可以唔浪費人地時間
呢一點其實係最嚴重。
人唔聰明，可以將勤補拙；
今次做Presentation唔熟書而表現差，下次可以更加努力。
但最差最差的，莫過於你根本唔Care自己會否浪費人地時間，你根本無一個意識到，對於真正精英而言，每人每日就得咁多工作時間以及精力，係有限的資源 (Limited resources)，時間本質上係同錢係無分別，都應該用得其所，都應該好好計劃，做Time management。
然而，最差的呢種人，就係會係唔係都煩左人先，會否浪費人地時間，根本不在他們考慮之列。其中又有以下表徵：
－ 對於同事 下屬 上司 甚至客戶，係唔係都打電話比人先，然後先話 「等我諗下，我有的野想同你傾，你等我一陣。」
－ 即使唔會貿貿然call人，依然唔肯自己double check自己已有的資料，就send message叫人再send某的資料比你，但其實人地一早send過比你。
－ 係唔係都話 「我地要開個會傾下。」
職場上，呢種人最難頂，尤其係聰明人更加唔會頂得順呢種「時間小偷」，要同人合作的話，亦會對這些時間小偷避之則吉，轉而會享受同同樣高效率的隊友一齊做，再多的Idea與討論空間都好，只要大家快來快往，好似打乒乓波的高手一樣，當新手仲「滴滴仔」猜一球時，高手已經來回猜了四五板。
而呢種人，其實可能本身真係無「時間好寶貴」呢個概念，反正就係求求其其，以為每日的工作好似有無限時間一樣，所以要成功發圍亦係難上加難。
SJ結語
浪費自己時間已經唔好，浪費人地時間更加係罪大惡極。
事業成功者，往往都唔會接受被浪費時間，畢竟時間就這麼有限。
每個人一日都係得24小時，但有的人充分利用而非常productive，有的人則渾渾噩噩，其實從此可見一斑。
尤其十年過去，前後兩者的差異更係差天共地。
所以，要成為1%精英 ? 一句到尾，就係：Don’t waste my time － 我比10分鐘你，但你唔好晒我時間，唔好令我失望。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
