出來社會幾年，相信好多人有呢種感概：讀書時覺得自己將來會非常了不起：讀Social Science就相信將來會從政，仕途一帆風順，考AO然後40歲前升做常秘；讀BBA就相信將來會入Bank或做生意，有一日會發達，買法拉利住貝沙灣。
然後，20歲到25歲，基本上就係一連串挫敗。
Credit: Alfred Hui’s MV
初敗：大學 Year 3-4 到 Fresh Grad 的覺醒
大學三年級可能係分水嶺：Despite最初Year 1時的豪言壯語，最後發現自己已經無可能同 Dean’s list或 First Hon沾得上邊；幾次不順利的 Internship後，與AO及投行一一緣盡。幻想中畢業後立即 $40,000 起跳，但現實的現實，卻只係得$15,000。
其實，10個人裡面，可能9個人都經歷一樣的處境，只有1個真正達到目標。
出來社會 際遇的煎熬
到出來做野後，月入雖然只得 $15,000 卻一樣要受氣與OT，工作厭惡之餘可能壓力其實同樣巨大。而且，可能因為老闆廢 (或公司廢)，自覺學唔到野，歲月蹉跎之餘，還有不斷被上司與客戶的責罵與 Deadline 的追趕，生活基本上喘不過氣來。
同時間，眼見 Top 10% 的那些同學，無論在FB所見或朋友間傳聞，據說已經4-5萬一個月，一年又post幾次去旅行相，仲要唔貴唔去：春天去日本廣島賞櫻，夏天去馬爾代夫，秋天去日本東北睇楓葉，冬天飛去倫敦過白色聖誕兼現場睇英超。
無他的，大家可能都係朝9晚9，但人地一個月的收入，等於你三個月，做一年就等於你做三年。
而你卻只能繼續高唱
“明明我已晝夜無間踏盡面前路
夢想中的彼岸為何還未到”
你的工作，可能永遠介乎於 “掙扎求存” 與 “無驚無險 又到三點” 之間，從辦公室政治到海量的工作，到老闆與客戶漠視Working Hours的追魂Call，大部分人其實完全無任何精力與時間尋求更進一步的機會。
更可怕的，係人會變得Complacent，即係會慢慢變得安於現狀，接受了自己永遠不會成功的現實，接受了自己 “輸在起跑線”，所以難得工作壓力較低時，也只會 “無驚無險 又到三點”。
人生除左每年去下旅行，已經無其他野可以令自己興奮及期待。呢種旅行，其實又只係另一種逃避。 所以香港所有書局，最暢銷的永遠係旅行書 （據說，閃令令系列旅行書的出版商，一直逆市年賺過千萬）。
對大部分人而言，一生人永遠都在呢個階段，除非你不停地找尋 「反守為攻」的機會。
「反守為攻」： Stop Running and Start Hunting
最近有套電影，Tom Cruise主演，叫做《Never Go Back》，香港翻譯做 《誓不回頭》。
Tom Cruise身為軍隊中的一個傳奇人物，非常好打得，有智有謀。退役後發現了美國軍方高層的貪污秘密，結果被軍方高層下令追殺，Tom Cruise只好帶同女主角與女兒馬不停蹄逃命。
直到有一個機會，Tom Cruise打敗了其中幾個殺手，得到喘息的空間，便立即決定要反守為攻，調查並追擊這個貪污集團，他說了這樣一句：“It’s time to stop running and start hunting.” (是時候反守為攻了。)
人生其實也就要找這些反守為攻的機會。
假如得到珍貴的喘息空間，你卻只浪費在蘭桂坊與盲無目的地瘋狂去旅行，其實錯過了這些珍貴的反守為攻機會。
人的一生 有幾多個「反守為攻」的機會？
人生主要的反守為攻機會可以有好多，但大概分為3種：
1. 在職場站穩陣腳 升職加薪
2. 找到自己的Niche 自己的 USP
3. 產業升級：創業或晉升管理層
Credit: Internet
先講第一，在職場站穩陣腳 升職加薪。
正如上述，人在職場，身不由己之餘，仲好可能不停挨打。 在地上挨打的人，雖然可以雙手抱頭減低傷害，但如果無一個戰略係幾時企返起身，則只能永遠挨打，久守必失。
SJ無打過爛仔交，但有好多朋友打過自由搏擊。他們都說，挨打之際，只要好好把握對手一個失誤，給了你一秒鐘的空檔，則隨時可以扭轉局勢。
職場如是，面對海量與厭惡的工作，要盡最大努力去力挽狂瀾，起碼停止挨打，或起碼得到老闆基本認知你的能力。 繼而以正當渠道去爭取升職加薪，從$15,000 升到 $25,000，唔升就找機會跳槽。 但要記住，加人工充其量只係一個 Morale Boost，千萬不要以為兩三萬人工就好巴閉，而要認清呢個只係新的起跑線。
其次，找到自己的Niche 及自己的 USP。
每個人都有自己擅長的地方，當命運際遇驅使，大部分人都做不到自己擅長的事，更唔清楚自己究竟有咩過人之處。
有的人 可能係分析能力強，有的人可能係寫野寫得好睇又有條理，有的人把口非常了不起，也有的人語言能力或數學能力高超，甚至有人雖然做Corp Fi，但發現自己其實對整野食最有passion。
第三，就係 產業升級：創業或晉升管理層
找到自己的 USP – Unique Selling Point，其實都只係第一步。更進一步，就係要 Use it to your advantage。
如果你整野食整得好食， Do it！ 放工時間及週末，不停瘋狂整蛋糕，然後請身邊所有家人朋友試食，唔一定要放上 IG 賣 （有法律問題），但起碼要得到身邊人誠實的意見與口碑。 如果大家都覺得好好食，再延伸到返公司請同事試食，睇下反應如何。
As crazy as it sounds，據說創造過億元營業額的珍妮曲奇，都係咁樣走過來。
另一邊廂，其實都並非全部人一定要創業。即使繼續打工，長遠目標一定係晉升到可以獨當一面的職位，繼而晉升管理層。重點係運用自己的Niche，係公司裏面找到適合自己，如魚得水的職位。長遠來看，為公司與客戶創造到價值，以及堅持下來，自然就會慢慢晉升上去。
SJ結語
當然，以上講咁多，固然係Easier said than done。
就如馬雲成日講，大部分人係 「晚上想想千條路，早上起來走原路」
人生更大的敵人，往往並非殘酷及困難的現實，反而係自己的惰性，貪婪與恐懼。
例如，當你星期一至五返工都做到隻狗咁，你還有足夠堅持係星期六日繼續工作去追求自己理想嗎？
大部分人都唔會。
而星期六日，可能就係你反守為攻的機會，假如你能堅持3年的星期六日，都用來追求你自己的理想，其實幾年過去，可能真係夢想成真。相反，3年來如常休息，閒時就一班人飲啤酒，怨天怨地覺得自己懷才不遇，則幾年過後，人生依然挨打。
你一直在挨打嗎？
人生，是時候反守為攻了。
Try real, real hard.
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
