SJ前言：又到星期五，有時不期然想起一些無點再聯繫舊朋友。
曾經，你地Friend過打Band，日見夜見，有咩事都即刻搵對方傾；如今卻越見越少，一年見一次，甚至幾年都無見過。
其實，朋友越來越少見，就越會生疏。問題係，邊個比Effort去維繫一班人的友誼？你又會唔會擺呢個心機去推動大家出來見面？
各有各忙嘅背後，只是隱藏住一句：
你唔太需要見佢；
佢都唔急切見你。
但我哋面對
「你同阿強呢排冇見面咩」呢條問題，
多數用一句「冇呀，各有各忙呀嘛」去作為答案。
「各有各忙」係一個好漂亮嘅借口，
反正你永遠都忙，
對方都唔會完全得閒。
雙方表面證供正立，不見面，絕非過錯。
「人」呢回事，都熱衷於找借口，
將不合理硬解成合理，令自己唔成為理虧嘅一方，
從而活得舒服。
既然「忙」係借口，
就不得不承認，心底下大家對「朋友」都有個優先次序。
試過有位朋友，一年嚟約來約去都係失敗收場，
但某日喺Wtsapp傾得興起，
即晚就食飯加糖水，由9pm到12am。
我知道係Wtsapp嘅話題太有伸延性，
增加咗彼此見面嘅需求。
諗返起呢一年嚟，大家日日話忙，
但即興反而約到，實在好笑。
我們就係咁，將一切歸於「各有各忙」，
真相係「找不到見面的需要」。
所以對比舊人，我哋更鍾意同新朋友交往。
因為任何話題都新鮮，佢亦唔會覺得悶。
朋友老了，見面反而愈少。
我哋都喺人際網絡上貪新忙舊，
最後用一句「各有各忙」，了結故事最後一段。
如果你仲有一班保持到聯絡嘅老朋友，
不妨留意一下，
入面永遠有幾個人拼命咁去維繫住呢段友情，不斷嘗試增加呢種「見面嘅需要」。
若非佢哋唔顧面子咁「三催四請」，逼班大帝出嚟的話，
我哋一早就淪入「各有各忙」嘅軌道，
散咗Band啦。
Also on SJ: 4 種不再Relevant的朋友
原文轉載至 張晨（“鳥”不起）《各有各忙，係人際關係中最漂亮嘅借口》，StealJobs 優越工作情報網 獲得授權轉載。
SJ 結語
現實的確如此。請好好珍惜你的“三催四請” 老朋友，大帝們亦應該及早覺醒。
再唔見，班Friends就散了，呢個Weekend就出來吧！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
