聽倒「埋堆」呢兩隻字，對大部份人嚟講都係又愛又恨。有人靠埋堆成就大業，亦有人因為咁而一敗途地。好多人都覺得做manager 一定要學識埋堆，就算唔同下面同事埋堆，起碼都要同其他department嘅manager打好關係，令自己嘅工作順利啲。其實做我哋marketing呢行，「適量」嘅埋堆「好似係」必要，應該係…. um….. 除非唔係。
而以下三類人，你又係邊類？
永遠唔埋人堆，亦唔比人埋堆嘅人
呢啲人唔難搵，lunch 時候係 food court自己一個人食飯果啲就係。除咗welcome lunch 同farewell lunch之外，佢哋甚少出席公開活動，就算出席佢哋都好似啞咗咁，你亦好少放工遇到佢同佢一齊搭lift ／搭車 ，因為佢哋唔想同你傾計，所以佢哋會留意每位同事幾時走，而避開相遇嘅機會。雖然明白到「多一堆不如少一堆」嘅道理，但就因為唔埋堆而成日俾人說三道四，工作有時都未必太順利。
呢種人通常有兩種，第一種就係佢哋知道本身自己呢方面比人蠢，埋乜野堆都會出事，索性乜都唔好做；第二種係佢哋可能自命清高，覺得本身工作能力極高，心信唔洗靠埋堆都可以上位，就算佢哋本身幾想同你哋放工唱k 都好，都情願自己自閉咁過佢呢幾年，係好難得嘅化石～
超級世界仔
呢班人有時係公司係最令人睇唔順眼，佢哋高調都不得之了，好似塊面上高好似寫住「上位」兩隻字，務求要令全世界嘅人都要知，「我返工嘅存在價值係比你哋高」。佢哋有多重身份，有時候佢哋係所有老細嘅「針」，可以令到你死咗都唔知發生乜事，有時候佢哋係眾人嘅護身符，無啦啦又唔知點解會救咗你一命（你諗多咗呀，當然唔會無啦啦呀，因為你仲有價值嘛～）。 另外佢哋大部份都好鍾意去唱k 猜枚同埋打麻雀，冇他嘅，因為呢兩項活動對佢哋嚟講都係工作一部份，玩嘅同時又可以吹水收風，不知幾爽皮。有時我諗埋一邊，都會覺得佢哋升職加人工都係值得，姑勿論佢哋埋堆係好定唔好先，但你睇佢哋嘅工作時數遠比其他人多，用咁多OT時間去建立自己嘅「事業」，咁又好似係應得嘅～
兩頭唔到岸嘅人
呢類人應該係佔大多數，佢哋多數都係新同事或者係職場初哥為多，性格膽小如鼠，所以永遠都係企咗係埋堆與唔埋堆中間，有啲係想埋堆但又唔知點埋，有啲就相反，唔想埋堆但又「被埋堆」。最煩係，埋錯堆又怕上司／老細唔鍾意，唔埋堆又怕一世被孤立，到時死咗都冇人嚟上返蛀香，之後默默咁因為工作唔開心而轉工。
埋堆呢一門藝術唔係人人都識handle。曾經有個前輩講，「同事其實係好難做倒好朋友，呢啲係千世修來嘅道行，好似拍拖咁，可以一齊當然開心，但做唔倒朋友先係正常」
Also on SJ: 唔該你改好啲個file name
SJ 結語
小編最近公司有位同事升職，有同事用“無天理” 私下賀佢的升職，覺得依類人點解可以升（感歎號x10）。
可惜現實就係咁，你以為佢係老闆面前扮下無辜扮下可愛扮下野就升到，但你做到黃朝百晏都無人理好唔公平。
小編睇法係：來到這種情況，你需要客觀、理性地分析她的晉升，只有這樣，你也才能進步！
別再酸葡萄了，#這些機會也是你的。
原文轉載至 我做Marketing 《埋堆的藝術》
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
