大家都知道請律師好貴，因為佢地收費係以小時計算。大家都係打工仔，麥記的打工仔企成日無停手每個鐘 HK$33-50不等。但係，所謂的律師，好似坐係度，指手畫腳up幾句chop個印係張A4紙度就charge一個鐘 幾千 至 上萬元不等。所以對大部分人來講，律師收費好貴!
如果身邊有位律師朋友，肯定唔會放過可以用著佢的時候。就如 SJ原創文章：有個律師朋友係一種咩體驗? 一文中提到，幫手睇下份僱傭合約，免費起草份租務合約等等，一定曾經幫身邊的朋友做過。朋友可以得到免費法律意見，下下就可以節省成皮野，你話係咪高級體驗?
最近筆者在聽一位律師朋友講佢係一位朋友的服飾店購物時，那位賣衫的朋友說將某件衫以成本價賣給律師朋友作為當時律師朋友給予對方一些租務方面的法律意見的報酬。（件衫的價錢為三位數）。
這個主題模糊的故事，背後帶出兩個重要信息：
1. 在賣衫朋友睇來，賣一件成本價的衫給律師朋友，paid off 一個交情。
2. 在賣衫朋友睇來，律師朋友給出的法律意見係無成本的。
筆者聽完一半的故事時就開始思考成本的概念；賣衫有衫的成本，而律師的成本係邊？律師有無成本可言呢？
什麼是律師的成本？
律師的成本是什麼呢？
是時間！時間係佢地唯一的成本，時間亦係佢地唯一的產品基礎。律師提供的法律服務，包括打官司、draft contracts、談判、解決問題，都係一種智力的服務。係如此抽象服務入面，佢地可以提供服務的數量係受到時間制約的，以officially 每日8個鐘頭服務數量，僅此而已。但行內人都知道，8小時是工作合約上的時間，律師的工作長至每日12，13，14小時也不出奇的。律師搵錢靠的雖然是智力，但最後靠的其實是時間。
律師受時間的限制。佢地無法改變時間多了少了，唯一可以掌控的係提升工作效率和服務質量以便不浪費分秒。面對每一個case, 好的律師都認真學習，不停咁思考，不斷咁累積經驗。prepare得唔好，客怨言大分分鐘走埋人。這些都是無形的工作壓力。
所謂一個優秀的律師，其實就是指，佢的單位時間成本很高。佢要獲得一個較好的生活條件，靠的就是提高效率及服務質量而來的時間價值。這價值，是通過漫長歲月的艱辛學習、思索、實踐等等累積而來的，佢值這個價，這就係佢的時間成本。
你可能感興趣：香港TOP 10 企業融資律師事務所
律師只能靠時間掙錢
律師的服務方式有別於其他的商業模式。如做生意的商人， 唔會因為同客戶飲下茶應酬下就停止賺錢，因為佢地的成本係原料、技術和管理上。所以生意人時間成本好難計算。但係律師就唔同，佢每日的的時間係有限的，因此必須全副精力用這個時間去工作，他先可以搵到食。佢一停，錢就會停（當然，打工的都係照出糧你可以日日 take sick leaves）但係，case跟著你手，你一停除非搵其他人接，否則一停手，billing也會停下來。
律師的朋友和客戶
唔少人話律師太現實! 律師係吸血殭屍! To an extent, 筆者可以理解這些stereotypes。其實，律師係一個只能靠時間搵食的可憐職業，如果唔現實，幫你睇份agreement, 雖然不過係舉手之勞。但背後，給予每一個legal opinion之前，佢地都需要做legal research，睇一啲法律條文或是從眾多案例中獲取靈感，確保給的意見必須正確無誤。否則出了任何事，責任無法逃避。
曾經有一位多年沒有聯絡的朋友，突然有日在facebook現身問候。後來明白，是請求幫她和她新成立的娛樂公司看一些合約，公司開張時照片看來派頭十足，陣容鼎盛！就在了解完收費後，這位朋友失蹤了。多日後，佢回應的方式便是通過佢的助手告知，希望這些法律意見可以是義務服務，即是免收費的。在這位朋友的立場，她或是認為律師看合約，就如斬豬肉般熟能生巧，好像不用花費太大力氣就可以完成。但她應該沒有理解時間對律師而言就係全部的資源，佢為了新成立的公司節省成本，是可以理解的。但佢唔理解律師的成本係邊，所以，即使需要耗費律師一天的時間為佢某件事出謀獻策，佢也唔會感到過意不去。這類朋友的計算方式是 “只要沒有花你一分錢” ，就沒有問題了。
所以，律師謹慎地選擇客戶，也謹慎地選擇朋友。唔係因為現實，而係因為律師確實無咁多時間可供浪費。佢地賴以養活自己的，其實是時間。
你可能感興趣：高登仔必讀的香港誹謗法
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
