呢個年頭，係人都識講 「識人好過識字」，彷彿所謂「Networking」就係成功的金科玉律。
然而，真相正如《你不強大，再多人脈也沒用》一文所講，絕大部份人對「人脈」有錯誤的認知與解讀。
大部人以為，人脈就係你有幾多個有錢，有權勢，已上位的朋友。
Credit: Startups HK
一入大學，其中一個Common 場景係眾多芸芸眾生的平凡學生，會在Hall及學會各種活動，嘗試把握機會同那些人生贏家做Friend：靚仔靚女的，外向而Presentable的，讀書好而又有出色課外活動的，夠Champ，玩得，以及屋企有錢的。
據說，呢個亦係HKU某幾間出名勢利眼的Hall的收生準則。
隨住接近大學畢業，大家當初埋的堆又慢慢轉變。有MNC大公司及Tier 1 Banks等的Offer自己圍一堆，其他人則努力嘗試入呢個堆，哪怕自己依然無Offer。
所有人都想同「贏家」做朋友。
無人想同輸家做朋友。 其中一個原因，就係很多人認為「失敗是會傳染的」 (Failure is contagious)。
當然，其實所謂贏家同輸家，都只係Top 10%同 Bottom 10%的人，中間果80%就係上述的「芸芸眾生」。單純以統計學推斷，假如你現在係StealJobs.com睇緊呢篇文，chances are你就係呢80%的芸芸眾生。
芸芸眾生總想自己成為Top 10%。即使未能做到都好，都好想同Top 10%班人做朋友，想成為「Cool kids」的其中一員。除了感覺良好以外，大部分人都有一絲期望：成功人士朋友將來會分享 他們部分成功的果實比我，假如我需要幫助，他們有大量資源可以幫到我。
然而，現實往往剛剛相反。真正的貴人往往係「唔起眼」的人，而唔係呢的成功人士朋友。
原因有幾個：
1. 成功朋友世界裡，你就係那些唔起眼的人
哪怕你終於擠入了一堆有錢/中產同學的圈子，個個週末一齊去Boat Trip，架船仲要係其中一個的屋企的。
但在他們眼中，你就係果個唔起眼的人。
他們約的活動，你可能只係Last minute才收到通知，雖然你依然會踴躍應約。
其實，好多時候，在你覺得重要的人的眼中，你就是那些不重要的人。
2. 在「唔起眼」的人眼裡，反而你就係那個出色的朋友！
你身邊有這些朋友嗎？
每逢有咩好野，第一個就會Whatsapp你。
有咩重大問題，第一個就會想同你傾。
想約一班人Gathering，他第一個就問你得唔得，你唔得就改期。
如果以上答案都是「Yes」，則無論他們是否唔起眼，但在他們的世界裡，你就係VIP。
假如他們有任何機會，第一個自然會想到你。
假如你需要任何幫忙，他們立即聯絡你。
呢的其實先係真正貴人與人脈，無關對方的地位以及成功與否。
SJ結語
諷刺地，通常人際關係都係唔對等。
你覺得重要的人，覺得你唔重要。反之亦然。
真正有「人脈」的祕訣，就係有更多地位對等的朋友。
假如你覺得自己缺乏人脈，其實首先應該檢討自己，首先應該睇下自己身邊那些「唔起眼」的朋友，往往呢的就係你真正的朋友與人脈，只是一直錯過罷了。
呢個道理，亦等同李嘉誠Office唯一的懸掛的清末名將左宗棠的對聯所講的：
發上等願，結中等緣，享下等福； 擇高處立，尋平處住，向寬處行。
做人目標要宏大；交朋友則要廣結地位對等的朋友，大家萍水相逢，惺惺相識；唔好講究享受，低調及平淡是福。
這就是人脈了。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
