SJ前言：人在職場，見盡人生百態。一樣米養百樣人，真係乜人都有。
好似許冠傑首歌咁：「呢個世界上 有精仔 有懵仔 有叻仔 散仔 賭仔 重有戇居仔
有衰仔 有好仔 反骨仔 癲仔 蠢仔 重弊過敗家仔
細蚊仔 臭飛仔 招積仔 ?仔 打仔 亂咁出刀仔 問你點敢亂生仔」
今次由型佬兼大文豪 鄭丹瑞@Topick 講講，職場上四種亦能力及勤奮程度歸類的同事。
以為勤力的同事一定好？少年，你太年輕了。肯定未見識過咩叫「越幫越忙」…..
「呢個世界有好多工種，你硬係甘心要做個奴才，無人可以阻你，但係都唔該你做得醒目啲，唔好連累你個主人！」好事之徒見到最近我們尊貴的立法會議員護主情切，鬧出了天大笑話，有感而發。
「做奴才係一種好高深嘅學問嚟嘅，唔係人人都可以話做就做。其實，呢位議員所屬嘅黨派，有好多呢方面嘅高手畀佢做學習榜樣，但係偏偏佢又想特立獨行，自己要攞威，唔想畀人覺得佢依靠別人，結果，擦鞋擦着火水！」
大家一定聽過世上有四種人：
第一種人，聰明而懶惰，佢哋多數係老細級，搵班叻人返嚟，度到條好蹺，指指點點，下屬就去做餐死，抵佢發達。
第二種人，聰明而勤力，呢一種人，鍾意乜嘢都攬上身，覺得個個都係蠢材，自己最叻！慘得過佢又真係可以做到大事，不過辛苦啲。
第三種人，蠢而懶惰，呢類人最無傷害性，因為佢哋有自知之明，唔夠人聰明，倒不如與世無爭。而最大鑊嘅，係第四種人，又蠢又勤力！
點解第四種人會最大鑊？因為佢嘅勤力會累街坊。
點解勤力反而會累街坊？因為佢蠢！對於呢位又蠢又勤力嘅議員，我深表同情，但係佢亦都唔需要太過介意，因為佢並唔係唯一嘅一個，喺佢身邊，大把呢一類又蠢又勤力嘅同事，睇下幾時輪到佢哋出事㗎啫！
我為自己是屬於第三類人而感到慶幸，你呢？
SJ結語
鼎你，講野有骨既？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
