人生有一段神奇時刻，就係18-21歲左右幾年，最青春，最熱血。在大學Lecture與Hall的活動之間，無論係HKU人去西環食糖水，定CUHK的同學仔在馬料水星空下的草地，談理想，論人生，天文地理以至學系女/男神的動態無所不談。去Exchange的更加係經歷活在雲端的一年。
然而，一如《那些年 我們一起追過的女孩》亦在平行時空下落幕，大學生轉眼亦投入職場。相比大學時「在雲端」的Magical Moment， 20-30歲的你終於都要降落，回歸現實，返到呢個叫HKG的地方，面對各種Realities。
20-30歲，可能係人生最Defining的十年，像火車總站的轉盤，指向你人生的路向，東西南北任你行：結婚生仔定Working holiday，讀書進修定創業。人生的方向與高度，可能有70%取決於呢關鍵十年。咁究竟，如果現在你20歲出頭，呢十年應該如何自處？ 如果你剛剛過了29+1的門檻，又有咩嘢，you wish you had done /known better?
1. 早D搵人生另一半，尤其女生
呢個擺第一，因為可謂「重中之重」。即使政治不正確都要講：
Fact 1: 香港而言，呢個係個女多男少的年代 ;
Fact 2: 女生27-28歲後，尋找另一半的難度係 Exponentially的增加。
邁向30歲的朋友肯定會發覺一個現象，就係好多好多女仔朋友都Single，而且開始放棄希望。基本上無乜真正選擇：同齡正路男仔大部分已經結婚，年紀大的就係剛離婚，年紀細過自己的唔會考慮。因此好容易陷入進退不能的困局。
當然，做女強人/ 自由身都無咩唔妥，但假如以成家立室為目標的 (傳統來說係個Norm），就最好認清呢個社會學事實。
Also on SJ: 28歲港女的「矛盾一生」
2. 承上題，可行情況下，盡早結婚生仔
當然，同上面第一條一樣，呢個睇起來好Patronising。但事實上，人類女性的Fertility在30歲開始下降，廣東人俗語「有仔趁嫩生」，確有洞察生物學的傳統智慧。
呢個係新加坡已故總理李光耀都大力鼓吹的家庭計劃，唔信就睇片。
3. 唔好讀 PhD
香港的國際關係超級KOL沈旭暉博士，同埋Ben Sir等 (都係博士），都以過來人身分不停宣揚「讀博害人」的經歷/觀察。當然，仲有上面的李光耀影片，都係話讀PhD不如快D搵返個男朋友，快D生小朋友。
4. 讀書重要 但吸收真正「知識」更重要
唔好搞錯，雖然話唔好讀PhD，但學歷依然非常非常重要。
你讀書同學的「氛圍」，好大程度界定了你的視野。普遍而言，讀書勁的人比較Ambitious。 但更重要的係 Book-smart 與 Street-smart兼備，缺一不可。
真正的知識，在於你對身邊事物 (自己，工作，家庭，人際關係)，以至到社會大事的洞察力 (Insights)。你有幾了解自己？ 你有幾了解工作，社會等等？ 有咩事情你認識，咩事情你唔識，有咩事/技能係你需要識？ 好好想清楚，越早越好。
5. 對自己坦誠
「如果 活著能坦白
舊日所相信價值 不必接受時代的糟蹋 」
20-30歲剛出社會，容易被好多「捷徑」吸引，做一些違背自己初心與價值觀的事。大部分未必係大奸大惡，但其實，呢個世界有好多條路，唔一定要揀一條自己唔想行的路，先可以去到自己的目的地。
更要小心的是，為了達到某個目的地而走捷徑，好多時候End up去了一個錯晒的終點。行錯路， 回頭已是百年身，其危險不可不察。
6. 對自己好D，但唔好令自己太舒服
聽起來好自相矛盾，但其實人生就係咁，維繫一個Balance殊不容易。介乎Hea懶頹與Chur住OT爆肝再讀Master的兩種生存模式之間，有好大空間，要自己拿捏。
7. 唔好病 Never get sick
SJ曾經同一位成功的前輩交流，問佢事業成功之道。除了其他大路野 (努力，有Integrity）以外，仲有一項，就係 Never get sick。 健康就係財富。 病左就做唔到野，而且比一億你都無用。
好多野在控制以外，但起碼控制到的就做：飲8-10杯水，注意飲食 (低油鹽糖)，唔好食煙，少飲酒，休息夠，多運動，心情放鬆等等。
8. 事業路向： Think beyond 5 years
絕大部分人沒有選擇事業的機會，只係隨波逐流地流向唔同行業唔同公司。 搵到一份好工好重要，尤其係StealJobs上面評分過5的公司，人工高腦細好，確實唔容易。
但更具挑戰，係你要做一個人生長遠規劃，最好以5年為單位。 5年後，你仲會做你而家的工作嗎？你仲願意做嗎？ 你會上升到一個咩職位？ 呢個係微觀分析。 宏觀分析，就係好多人成日話，咩AI會取代的20個工種之類，雖然看似Remote，但都一樣值得思考。因為四個字，「未來已來」。
總之，明明可以奮發向上，又何必渾渾噩噩？
30歲打後，當然一樣可以轉行/轉型，但體力與魄力始終不及20-30歲時。
9. 你的 Edge 在哪裡？
每個人出來社會，都想在某一範疇獨當一面。無論人工高低，發唔發達都好，都起碼有一樣嘢，你係幾Proud of 自己的。
20-30歲的十年，可能係你尋找自己的「Edge」的最後十年。當然，更好係中學大學年代已經尋找到自己的強項。 但假如未有，20-30歲時應該努力發掘出來：有D人語言天份高，英文勁，天跌落來去補習教英文都開到飯；有D人數口精，Spin下就變做STEM精英，科技公司甚至銀行爭住請；仲有人把口叻，識同人溝通，做銷售類工作一流。
當然唔係侷限於以上，哪怕係你砌LEGO砌得出色，都可能變為一盤事業，who knows!
10. 珍惜家人
不厭其煩講，出來社會才明白父母是真正”Got your back” 的人，而家D人興玩YOGA，打籃球踢足球私League，做運動跌到整親腳要入醫院，始終99%都係家人陪你去醫院，而非你球場上的戰友。當然朋友都好重要，但家人往往係另一層次的支持，而且往往容易忽視，容易take for granted。
20-30歲，多D同家人傾計，多D出去玩下，多D幫下手。可以家庭融洽，又何必關係疏離？
SJ結語
人生要真正活得好，談何容易。20-30歲，其實係要好好經營。
不要相信一切有下次！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
