2017年的特首「選舉」，SJ個人認為最有趣的地方，並非幾個候選人如何谷眼淚或比$500街邊的乞衣，亦唔係薯片如何憑「習握手」+ 網絡民意如何逆襲，而係胡國興呢個參選人。
大部分香港人第一次聽到「胡國興」呢個名，大概就係因為呢次特首選舉。如今，眾所週知胡官本身係退休大法官，官拜高等法院上訴法庭副庭長，以整個香港司法體制的金字塔來講，雖未至終審法院法官，但其實亦屬於塔尖階層。以比較市井的講法，胡官可謂司法界猛人，絕非等閒之輩。
Credit: Internet
胡國興有趣之處，在於其非常British的同時也十分Chinese (好果方面），對香港也非常貼地，集各家之大成。可以算係殖民地歷史的特殊成長背景下，一個典型的真正華人紳士。係今時今日的香港公眾人物中，胡官更可能係「最後紳士」。
觀乎胡官的競選Campaign，係各個大熱疑似參選人仲扭扭擰擰，尷尷尬尬地顧左右而言他時，胡官已經一馬當先出來同全世界講自己自己會參選。淨係呢種光明磊落，係今時今日的香港已經非常難能可貴：強調做野係為自己的原則而做，而非睇呢樣果樣，一邊猜度一邊等那個原本不應存在的紅綠燈。淨係呢點，在其他人一早自我閹割時， 胡官展示出的獨立人格與特立獨行，既有英式紳士的實事求是，也有中國大俠的正氣 (與其競選口號「正」不謀而合，胡官講得出做得到)，已經教2017年的香港人大開眼界。
Also on SJ: 人在中環 香港人原來舉目無親
胡官頻頻落區，其衣著也是一大看點。在全世界的政壇，男人西裝骨骨是基本。但胡官可謂更進一步。係唔少落區活動中，可以見到其身穿非常英式，而香港並不常見的三件頭西裝(Three-piece suit)，即西裝外套裏面，仲有一件背心（waistcoat）。著成套三件頭西裝，比一般西裝更加Formal ，係非常老派傳統的英式紳士衣著。配搭得宜的話，比到人更加莊重同權威的觀感，而胡官的配搭與本身的氣質，正正做到了呢點。
Credit: Woo Kwok Hing’s FB page
一般來講，權威而有地位的人，都非常離地。但你話做戲又好點都好，胡官場貼地Show又確實做得幾好睇：食雲吞麵，參觀Tesla講路面空氣污染，打乒乓波，入場睇本地足球，行年宵同林日曦合照，十足十成個老頑童一樣。
到目前為止，胡官可謂最唔「膠」的候選人 (睇下 $500， 廁紙，麒麟，計錯數）。
最後，亦係最重要的，係胡官的對答，除了其字正腔圓的廣東話以外，亦流露出典型英式法官的慎密思維與邏輯。不難留意到胡官對其他參選人的言論，經常以反問形式回應，並指出其言論的繆誤與不合邏輯：
正如John Tsang 林鄭等人仲扭扭擰擰時，胡官已經高調反問「唔明要等的乜。唔通係正話先諗到嘅，所以要考慮耐啲？」。 這種 No bullshit 的性格與金睛火眼，可能係其幾十年法官生涯練就的好武功，可以輕易拆穿講大話的證人，及反駁律師有時不合邏輯的論點。 係呢場「選舉」中，雖然大家無得參與，但光看胡官如何拆穿其他人的謊言與 bullshit，其實已經劇力萬鈞，精彩得值回票價。
綜合以上，胡官這種人，可謂香港的「最後紳士」：有著高尚人格，處事不慍不火。無論能力與人格，均係會令人真心Respect，從心底裡肅然起敬的一種人。當然，你可能會問：紳士本身其實也不應從政，因為政治本身就係一個骯髒的醬缸。卿本佳人，為何從政？尤其以呢場選舉的遊戲規則來講，對這位退休大法官本人更似乎係無任何得着。
正如胡官自述「I am a man of integrity」，能把這場「選舉」鬧劇以君子之爭的Fair play與sportsmanship來全情投入，只有胡官一人，相信無人會質疑。
或許，這才是胡官這個「有種人」最值得尊重的地方。
SJ結語
這種香港「最後紳士」，正如女皇頭硬幣，真係買少見少。係好事定壞事？
點都好，胡官的言行舉止，絕對對得起「正」字呢個競選主題。
呢場選舉，或許大家都無得參與，但大家可以做的，就係向胡官的完美展示學習，做個有能力有品格，行得正企得正，光明磊落的一個人。
頭盔：本文只係局外人食花生評論，並非支持任何一位參選人（因為都無得選），本網無同任何候選人有關聯。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略