踏入社會一段時間，轉眼已經邁向或者踏入「29+1」呢個重大心理關口。時間，總係無聲無色地一秒一秒流走，然後每日每月每年就咁過去。
Not too long ago，10年前那個還是大學生的你，今日或者已經變成各行各業的翹楚了吧，又或者依然在社會與職場載浮載沉，搵唔到自己定位？。10年前後的改變真的這麼大嗎？你，還記得你的初衷嗎？今次 SJ Team同大家一齊探討下：
對 「食」 的要求
10年前希望餐餐都出街食，而且最中意食重口味食物如麻辣火鍋，又或者食放題食到120%飽先肯停。
Credit: Internet
10年後放工希望早啲返屋企飲阿媽煲的靚湯，而且開始懂得適可而止，多菜少肉。
Credit：公屋潮文
錢
10年前，銀行戶口有2萬蚊利是錢已經好開心。
Credit: Tourism Hong Kong
10年後，視乎你的勤奮與際遇，銀行戶口可能依然得2萬，或者已經有200萬儲落，但無論如何，依然感覺很不夠。
睇書
10年前，你晚晚都睇返半個鐘小說先訓覺，而小說往往係公共圖書館借來的，紙張發黃。
Credit：書和人
10年後，雖然買落好多新書，大部分在書櫃原封不動。
世界觀
10年前，對社會發生的一切都充滿批判，雖然愛之深責之切，但角度流於旁觀者冷箭式的冷嘲熱諷，而且習慣孤身獨行。
10年後，當自己參與其中，發現無錯，社會確實頗黑暗，但亦係一部複雜的機器，有千絲萬縷的規則與關係，「開始裹足停留，開始習慣體諒」，也開始體驗社會的地厚天高，努力嘗試追趕上滿街的趕路人，努力追趕好多俗世的目標。
事業
10年前，幻想自己有過人的才華與無窮的體力，可以創造石破天驚的事業，成為行業Top 0.1%的頂級精英。
10年後，發現即使做到「中上」已經好唔錯，月入4-5萬已經還得神落，有幸月入10萬8萬已經海闊天空，豁然開朗。很多事情變得無需強求。
朋友
10年前，朋友都住在附近，食完晚飯隨時一個電話可以落樓下公園閒聊。
10年後，朋友各散東西，即使在同一個香港，要見面食飯彷彿難過登天。
麥當勞
10年覺得食麥當勞好正，尤其係間唔中出現的Shake shake薯條
(WTF)
10年後覺得雖然偶爾會自問「點解自己窮到食麥當勞」，而且已經半年都唔會食一次麥當勞。
但依然覺得Shake shake薯條同麥樂雞好正，真係無得輸。
Gathering
10年前約gathering一呼百應，即興約都超多人參加，場面熱鬧之餘大家可以一傾幾個鐘，傾到凌晨5點酒吧打烊先肯散band。
10年後gathering，起碼預先3個月約到一個特定的星期五，先可能有一半人出席。
即使約了7點晚飯，總有幾個人9點先到因為OT，而11點開始陸續有人趕尾班車返屋企，12點前完全解散。
演唱會
10年前大家用「螢光棒」。
10年後iPhone都來到第X代了，手機的閃光燈取代了螢光棒，環保萬歲。
運動
10年前運動就是：一個星期六下午3點，同10個朋友一起踢足球打籃球，打到夜晚9點，連續6小時依然唔夠喉。
10年後的運動是可以擺上IG的活動，例如做一個Foodie。
減肥
10年前各種零食、宵夜來者不拒，好像點食都唔肥
10年後各種算計卡路里也瘦不下來
WhatsApp/微信/電話
10年前聯絡除了電話就是send SMS texts，一個月1000條都不夠用，上網流量500MB
10年後一個月200通話分鐘都用不完，在上網流量無限年代，有咩事Whatsapp就OK，無Urgent野最好唔好打電話過來。
你沒有看錯，雖然Facebook似乎已經苟延殘喘，用戶活躍度遠不如以前。
10年前 Facebook 還是最popular的時候，朋友間會互相留言，一影相就即刻Post上FB Tag人；
10年後已經是 「老嘢先用」用的產物，主要用途係睇新聞。
有人話：「開FB就好似夜晚少少肚餓，成日開廚房個雪櫃：明知裡面無野食，但你都會Keep住開來睇下。」
擇偶
10年前戀愛大過天，因為愛，有情飲水飽
10年後愛一個人都有成本
有車有樓 > 有樓 > 有車位 > 有能力租樓 > 有車
Also on SJ: 28歲港女的「矛盾一生」：樓價篇
父母
10年前你有唔明既嘢都會問咗父母先，而你十分享受離開父母的時刻，因為你感受到自由。
10年後，你好多環節依然需要父母幫忙，但所有關於iPhone/電腦/上網的問題，父母反過來請教你，而你好想每時每刻都同父母一齊，因為你感受到溫暖，正如陳奕迅的歌詞：「任世間怨我壞 可知我只得你 承受我的狂或野」
失眠
10年前電話無咁多功能，同好朋友/男女朋友傾電話傾到天荒地老
10年後按下按下電話就天光了
SJ結語
生活每天都在改變，這個過程是漫長，看似一成不變。
只是在偶爾回想過去時才發現自己已經改變了這麼多。
10年前你係點架？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
