【DSE屈機】寒門再難出貴子?名校生與你的差異

2018年DSE放榜,其中有兩件事值得留意:1) 香港誕生了首名超級狀元;2) 所有狀元來自傳統名校。

 

唔係話大家要抱怨社會定點,但近年卻確實有個大趨勢,係本來公開考試理論上的公平競爭 (Level playing field),實際層面變左係完全由名校生屈機。從前的窮小子黃仁龍讀書出頭做大律師的故事,今日重演的機率下跌到接近零。

甚至可以咁講,今時今日,寒門再難出貴子。咁究竟,名校生憑乜嘢咁屈機?

 

1. 「競爭」的本性滲透在血液裡

名校生同所有其他人最大分別,就係本質上非常Competitive,其中又以DGS / DBS 為表表者,緊隨其後有QC, 喇沙, 華仁,以及St Paul’s Co-ed及 SSG 等等。

打從細路仔時,名校生已經(被)灌輸一定要「做到最好」的人生道理,開始懂事後就會自我灌輸以及同濟間互相灌輸,無論係讀書定運動,音樂定美術,名校生一定要贏人,更要不停地超越自己。

呢種氣氛,造成強勁的正面循環,環境極度鼓勵勤奮以及成功,而每次考Quiz考得好,又帶來更大滿足感考好之後的Tests與Exams。

同時間,大部分普通學校係完全無呢種競爭氣氛,甚至同濟間更鼓勵懶惰。上堂舉手答問題,要冒著被同學排擠的風險。 唔係話名校生一定無校園欺凌,但大家對「膠」的定義有天淵之別。

 

2. 頂尖師資 + Exposure

其實以前無所謂名校。 所謂名校,其實不過係當年100年前歐洲傳教士同埋修女來到呢個遠東殖民地,見到班華人又窮又落後,出於憐憫你班人以及彰顯上帝的大愛,就贈醫辦學,開左一系列「St. XXXX」之類的耶教學校,比機會呢班窮華人的子女讀下書。

時移勢易,正如當年用來安置又窮又亂的華人的西環,如今已經一躍成為豪宅區,而一眾傳教士辦學的學校都變成了名校,尤其1997後名校的價值更加如樓價節節上揚。

如今的名校,擁有上乘頂尖師資,唔少係Alumni,教書有心有力,唔會渣流灘。

其次,名校安排學生的Exposure零舍多,從各式各樣世界級比賽,例如咩STEM,到咩大律師公會的辯論比賽,到本地的學界運動比賽,全部都參加最頂尖的比賽面對其他同樣頂尖的名校生。憑呢D比賽,每每能激發學生200%潛能,不停挑戰自己。

例如,大家都踢足球,名校無論係買人返來定自家培養,總係可以入四強:系統化訓練,Gym Training,有港隊經驗的教練,體能同心理的特訓等,普通學校的足球隊面對名校足球隊,就好似一隊民兵對一隊海豹突擊隊咁懸殊。

 

3. 資源巨額逆差

今時今日,名校生大部分起碼係來自中產家庭。大家都十幾歲人,普通學校的草根學生,撇除上述的鬥心問題,可能飽受家庭問題煩惱:父母日日嘈交,賭錢欠債,父母與親戚的糾紛,家庭暴力等等。窮人的一生,99%時間浪費在無謂的紛爭中,無論係自己製造的問題,定係被捲入的問題。 安樂茶飯都未必有得食,想做功課溫書就要去附近自修室霸位。放假就可能去麥當勞做下Part time,唔係西北風都無得食。

相反,中產子弟住太古城,返學就20分鐘車程,放學已經有Maria住定飯,阿媽就煲定靚湯,老豆返來同你練下英文,又問你今日學校點樣,有乜趣聞,讀書有無問題,甚至分享自己當年讀書經歷。勉勵一番同埋食埋新鮮水果後,返入自己房靜靜地溫書做功課,分分鐘仲一路播住莫札特添。放假就去Oxford Summer School定係去法國遊學交流,見識世界擴闊視野。

 

4. 對前途的認知 及 Alumni Network

引伸以上的同濟影響,其實仲有校友的影響。

所有名校都有強大的舊生網絡,定期聚會甚至有埋Mentorship。相反,普通學校即使有,都無人會參加。即使參加,其實都無乜用。

畢竟,往往係要做比較頂尖行業或者比較Ambitious的人,先需要呢種Mentorship,唔一定話裙帶關係,但起碼耳濡目染,聽前輩講得多,你都容易行少冤枉路。做普通行業或者Hea Hea下,確實又無乜必要有咩Mentor。

同一班華仁仔,往往起碼有幾個醫生幾個律師,幾個Banker仲有AO,最唔鍾意讀書的,都自己做生意做到有聲有色。

呢個Combination,從幾十年前都而家都一樣,可想而知。

 

5. Presentability 與社交技巧

名校比較多男校女校,有個幾好的傳統,就係有Prom / Ball 呢樣野,可能係仿效美國高中。

有異於一般Grad Din,名校 Ball 係幾間學校一齊舉辦,比一班同樣係名校的後生仔女互相結識下,個個盛裝出席,甚至據說有Masquerade 添。呢種活動,最有用的地方,就係訓練學生變得外向,對溝通技巧有莫大幫助。

名校生的自信,起碼對中英文會話考試已經好大幫助啦,而且對將來工作影響其實更加深遠。

 

6. 複合式 Compound左 12年的優勢

愛恩斯坦曾經講過,「複合利率」簡直係世界奇跡,而巴菲特都係靠每年 20%增長的投資,幾十年過去成為世界首富。

如果名校生比你的優勢,每年都優勝50%,小學到中學12年過去,1.5 ^ 12 = 129.74,已經係你129倍啦。

人同人之間的差異,其實就係咁樣拉開的。

 

給非名校生的你

呢篇文唔係要Discourage你,但起碼要認清條件的基本差異,從而制訂出一套可行的Game plan。人生就得一次,無論讀唔讀到書,但起碼唔好被自己後悔。

如果以入大學為目標,務必指定一套低成本高效率的讀書方法,以及懂得自我激勵。呢D都係名校會Spoon-feed它們的學生的一套。非名校生的你,you are out there on your own,但起碼呢個年代大把免費/廉價資源,其實有得追,問題係你有無呢個心。畢竟,即使名校的狀元背後,一樣大把紈絝子弟庸庸碌碌,甚至往後幾十年如是。 So, don’t be discouraged.

Also on SJ: 麥明詩是如何煉成的?

SJ結語

寒門確實難出貴子,但假若改變唔到社會,或者每個人都可以嘗試先改變自己。

名唔名校生都好,建議你寫封信比十年後的自己,許下十年的期許,然後好好向自己的目標奮鬥。

無論你的目標,係想做醫生律師,定係做粵語專家或者開拉麵店都好。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , , ,

Comments are closed.