全世界的公司基本上都係二分陣營：老闆 vs 員工
然而，幾乎所有公司都有一個特殊階級：秘書。
與其話秘書既不屬老闆，又不屬員工；倒不如說秘書又屬於老闆階級，皆因他們身為老闆的代表或助理，而又同時屬於員工階級，本質上同其他打工仔無異。
有人認為秘書「揸住雞毛當令箭」，在辦公室打橫行，但其實秘書更多時候，係吃力不討好。
究竟，點先可以勝任秘書此一職位？ 今次由SJ同大家深度分析。
(呢度強調係講「秘書」而非「公司秘書(Com Sec」，SJ下星期有文講Com Sec，請密切留意)
1.Know your place：明白一切「權力」都如浮雲
呢個世界十分現實，你要得到可以差遣人為你效勞的「權力」，最直接而且必須的就係你個個月出糧。老闆的權力的「合法性」完全基於呢份糧：公司賺錢，老闆出糧，員工繼續幫公司賺錢，一個生生不息的週期。即使再有感召力的老闆，假如無糧出，哪怕係跟隨多年的員工一樣散水。好似馬雲咁當年公司無錢賺，但可以反問員工借錢，再出糧俾員工，呢種係萬中無一的例外。
秘書可以差遣其他員工做嘢，其實亦源自或寄生於老闆上述呢種合法性，Nothing more。因此，要做個稱職的秘書，首先要了解自己身處的位置，一切表面所有的權力，其實只係浮雲，切忌誤以為自己可以隻手遮天，左右大局。呢一點，其實任何資深秘書肯定深刻體會到。
2. 減少「扮工」(或起碼提升扮工技巧）
香港秘書一個普遍為人詬病的一點，就係「由朝到晚唔係淘寶就係上緊Baby Kingdom，或者圍埋講是非」。
其實，唔止秘書，好多其他職位都會Hea下做下自己嘢，人之常情。但可能因為秘書有時要兼顧Admin相關事務，可能係領正牌上淘寶。
不過點都好，最好避免令同事覺得你成日扮工啦。
3. 做協調人角色 要面面俱圓
秘書往往係代表權力階級行事，協助其處理公務大小事項，無論係Book枱食飯定直接協助處理文件，或者係代其通知(或者命令)其他員工要做乜嘢。
同時間，普通員工好多時做任何嘢，都會經過呢位秘書Screen下，然後先會被老闆覆核。
秘書就做咗老闆同普通員工之間的橋樑。有人地方少不免有摩擦，假如有心有能力避免或化解老闆 vs 員工或員工 vs 員工的對立及矛盾，則肯定係一個稱職好秘書的特質，真正Add value。
4. 做野快手 上心 幫老闆拆解問題
Credit: TVB
呢一點其實任何員工都係適用，亦正如以上所講要Add value。
5. 長遠生涯規劃：行邊條路？
係人都知，做「秘書」本身並非長遠前途一片光明。當然，假如你跟了個好老闆，在有發展健康的公司，人工一樣可以升上去。但其實，「秘書」同「個人助理」職責好相似，咁點解個人助理 （例如CEO/董事助理）往往係升職的「Fast Track」而秘書則係十年如一日？
撇除背景及學歷的影響外，其實秘書一樣可以Demonstrate到自身的潛能同價值，長遠亦可以考慮轉職到公司的「盈利部門」(Profit Centre) 工作，而非一世做秘書。
6. 做秘書 唔一定要靚 但最緊要醒
Credit: 蘋果日報
當然，人靠衣裝，靚仔靚女係Bonus既，做咩職位都係。
最怕係蠢過隻豬，點極唔明，而且無心裝載，咁就真係無辦法啦。
SJ結語
你身邊有秘書朋友嗎？不妨同佢地分享下～！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
