好不容易又熬到星期五，SJ今日同大家講下D比較輕鬆話題，就係買樓啦！
係人都知道，2018年樓價已經離地到上太空，適婚年齡的後生仔女無不怨聲載道，連想要個安樂窩原來都咁困難。
但原來，就算買到樓的人，都有好多人有種患得患失的感覺。
最近同幾位朋友傾開，其中一位朋友A年約大概32，任職大公司中層，月入6-8萬，年青有為，前途一片光明。
然而，兩杯下肚，朋友A卻愁眉苦臉，彷彿心事重重。
大家追問下，朋友A表示：「過去十年死儲爛儲，又做Part-time又搏命搏升職，而家終於買咗樓，但成千萬得400呎，兩公婆全副身家丟落去，都係落得一個蝸居。相反，原業主多年前買時，都只係500萬左右，真係生不逢時，好唔公平。」
朋友之間，對樓市觀察的Spectrum極為廣闊，從「廢淡」到「大好友」都有。
眾人意見如下：
廢淡：「你而家仲買？今年HIBOR最少加三次息，美中俄地緣政治角力，中國經濟減速，海南島又做自貿區搶生意，加上香港新樓供應大增。香港呢個經濟週期，睇怕都好快步入衰退，到時好多人失業斷供。 我估樓價最少跌40%。」
偏淡：「自住就唔怕既，但樓市升左咁多年，吸收左好多市場購買力，調整返10-20%唔出奇。」
中立：「香港樓價點會跌吖，13億人趕住落來，最多高位橫行。」
好友：「香港700萬人，遲D仲話大灣區，隨時成億廣東人爭住落來做生意。而家係貴，但你兩年後隨時貴而家20%，到時更加買唔到。」
大好友：「而家樓市處於爆升期，賣家真係笨咁快放貨，美國點會真係加息吖，自己都要還幾萬億國債。你就執到啦。 唔好傻啦，香港樓價點會跌啊。你而家唔買，將來香港普通樓都樓價過億，窮人全部離開香港，到時你想買都買唔到。最好把握機會買多幾間。」
結果，大家爭持不下，鬧得臉紅耳赤。
無人有水晶球，眾人的看法，如今立帖存照，睇下究竟邊個先獨具慧眼，邊個又係7up當秘笈。
SJ結語
大家又點睇香港樓價走勢？ 做個統計，歡迎留言：「升」 「平」 「跌」，睇下精明的SJ讀者群民意如何。
利申：已經絕望睇覺得會繼續升升升。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
