由細到大，我都成日深深相信一個道理，就係做唔成專才的話，就要做一個全能的通才。邊先為之一個全能的通才？
就係上至天文，下至地理，人文、歷史無一不曉，而且可以身兼多職，做生意、搞NGO、教書、投資，好多唔同範疇的野、好多好多唔同嘅夢想，都可以一一實現，咁先叫做不枉此生。
可能你會覺得我咁講好天荒夜談，的而且確，好多朋友都苦口婆心咁罵過我：「你繼續咁樣係一定唔會成功架，邊有人同時做好多樣野全部都可以做得好架？你咁樣最後都只係會一事無成！」
但其實，呢個社會，又真係好似有啲咁的人，例如最近認識左一位新的朋友，佢本身係一間上市公司的創辦人，同時開左間首飾店、又做埋初創投資人，最近重潛心去學催眠治療，希望可以用另一個身份去貢獻社會；又識得有位前輩，由香港到矽谷都可搵到佢嘅身影，業務橫跨出版、資訊科技、流動通訊、教育等等，數之不盡的身份同行業。到底佢地係點樣去管理自己的時間，又係點樣可以一步一步咁做到咁多唔同的野呢？
Credit: TVB
或者，我地唔一定能夠可以好似佢地咁做咁多唔同嘅事，但其實，除左一啲專業人士好似醫生、律師咁之外，其實我地好多人根本已經做唔番一個專才，而且世界一直係度變緊，今日的專業，聽日都可能被AI所取代，所以我地可以做的，係去思考自己到底想成為一個點樣的人。
諗番起有一個發人深省的TED演講，內容大致係話有d人總係答唔到自己最想做到d咩，唔係因為佢地冇個人興趣，而且佢地唔知道到底邊樣興趣先係自己最熱忱嘅。最後佢地就咩都試下，走進一個又一個的領域，成為一個「多向分化潛能者」！
到底你又可唔可以成為一個「多向分化潛能者」呢？2019年1月20日，我地會係中環搞一場 TEDxChaterRoad 的活動，廣東話主講，上年我地用左「致未成功的人」做 tagline，今年主題就係「Between One to Infinity」，理念同初心一樣，都係希望唔講成功，講點樣面對失敗，點樣面對自己！尚有小量門票售賣，有興趣的話可以來睇下：
Also on SJ：二十幾歲不似預期，然後呢？
SJ 結語
咁快又到 2019年TEDxChaterRoad活動！
今年的主題也很生活化，大會邀請3種不同人生路向的講者，分享自己的想法及內心掙扎。
你點知自己做的決定是對的？很多時候因為缺乏對自己的認識，也害怕不確定，讓我們錯過在最美好的年紀把握機會。
其實沒有對與錯，只有這一刻的對號入座，你總會在分享中看到「自己」。在選擇的前面：You are not alone。希望「Between One to Infinity」是一種選擇及勇氣的分享，讓大家擁有「Connect」的滿足感。
2019年1月20號，有興趣就報名啦！
原文由 TEDxChaterRoad 活動投稿 《坐唔定，係咪就等於一事無成？》
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
