蔡東豪寫過四十五歲的抉擇，葉朗程話再早d，三十五歲就要抉擇。我話，你二十一歲就要面臨你人生嘅第一個大抉擇。我知，因為我經歷過。
迷思：趕不上時代的巨輪嗎？
望住你個套畢業袍，你不禁對未來有無限得憧憬。
就黎畢業嘅時候，唔係讀醫，又唔係讀law既你，總會羨慕下邊個邊個拿到邊間跨國銀行月薪7萬嘅Offer（係啊，你冇睇錯，係月薪7萬，可能係你阿爸阿媽做足二十年都搵唔到既月薪），又邊個邊個拿到Big 3顧問公司嘅Offer，畢竟人地做一年野飛既里數已經夠Marco Polo Silver Club既membership資格，得閒可以check in下Bali既Client Office，又或者去下法國advise下個client要唔要買個酒莊。
當所有人都在趕嘅時候，你發覺自己如果咩工都冇既時候，直頭就唔好意思再見人，因為搵唔到工就好似愧對祖宗十八代祖先，老豆老母供書教學教咗個對社會生產力係負既廢人。
最慘係，周邊搵唔到工嘅人多的是，但係礙於面子問題，冇人會話俾你聽佢地自己其實都好大壓力。就係因為咁，你用以前讀書時候，化壓力為動力既心態，開始狂寄求職信。我親眼見過，一個讀所謂神科既朋友，狂寄100封求職信仲chur過馬明，只是為求搵到份工，唔好令老豆老母朋輩失望。
結果，這個教育制度下教科書式的完美產物，係香港都係一畢業就失業。
問題係，讀書一路順風，只代表你很會玩考試這一套有固定規則遊戲，僅此而已。考試成功，並不代表做嘢會飛黃騰達。The real world doesn’t work that way.
簡單黎講，每個啱啱畢業的人，對老闆來講，都係一個MVP, 係Minimum Viable Product，根本就只係勉強能用，錯漏百出。話知你讀書讀到曉飛都好，你對公司既價值增值都係仲低過零，因為老闆要花時間教你。既然係咁，係假設請人成本均等的情況下，人地與期要一個努力讀書，分數高但人脈一般的人，定係要一個讀書麻麻，但係有家底，幫到老細帶生意既後生？
這個問題，唔駛我答你掛？
所以，趕唔趕得上時代巨輪，根本同讀書勤力，考得好唔好毫無關係。故事教訓，如果你係一個一直努力讀書既好學生，但係都找不到工作，唔一定係你嘅錯。
抉擇： 認清你的機會成本
讀大學既時候，個個商科生都有個做個中環上等人既夢。
有時睇下IG （instagram)，碌下facebook，見到俾你早幾年出身嘅師兄師姐影下自己去左邊度遊埠， 去左邊個遊艇船P，又‘呻’下自己交左幾多稅，這一切一切都令你覺得無論幾唔鍾意都好，你必須發奮找到一份係IFC返工既高薪厚職，如果唔係咁做，你見到既一切就成為你放棄既機會成本。更何況，讀書一向唔差既你，又點會接受人工得萬三？過時過節點同親戚交代啊？
不過，冇人話俾你聽，比你打入中環做到iBank，做完Analyst/Associate，搵份糧都係唔夠供樓，因為有咁上下地位，就要配上咁上下價錢既地段。當然，呢個仲未減去你每逢禮拜五同啲同事落Bungalow pop幾tray Champagne要埋既單 。 你既師兄師姐既FB同IG，同樣無話俾你聽，你係呢啲睇落五光十色既行業挨足十年十五年，假設一切順利，升到做Managing Director/Partner/Department Head，你都最多只係做一個Net Worth唔過幾千萬，比上不足，比下有餘既專業人士。
Also on SJ:[高質] 投資銀行banker : 我為甚麼離開香港
唔係話做iBank，做專業人士唔好，但係如果你係為錢而做既，咁你就完全睇錯事實。
亦因為咁，你絕對應該趁年輕博一舖。
用Expected Value 計下，走專業人士條路，只需要你考到某些專業資格，比如考到個牌的話，能當上既會計師Probability 非常高，但係expected return，包括你的工作滿意度同工資拉勻只是不過不失；如果你追隨你既夢想，成功的可能十個只有一個，但成功既回報係以億計。簡單來講，probability很低，但expected return奇高。二者對比嘅expected value唔敢講邊個高邊個低，不過後者嘅好處係，你今日就可以為你嘅夢想開始奮鬥，贏輸，都係自己嘅。
所以， 你做中環上等人嘅機會成本，其實就係你Forgo嘅呢個upside。
本文為 StealJobs.com 讀者投稿，作者：若水
SJ結語
生命無Take 2，的確有人夢想不過就係做醫生律師，過著優渥生活，莫管Net Worth幾多，於是有唔少中產其實反而負債累累，正如高官許仕仁，就係一個非常好的例子。或者，曾俊華都講得唔錯，「中產」定義與其話係收入，不如話係對「品味」(或者「物質」）的追求。因此，一個中環人月入20萬，可能同一間寫字樓開在觀塘的小型貿易公司賺的20萬月利潤，本質上有巨大差異。
簡單而言，做得中環人，講派頭講品味，揮霍少不免。
但假如你夢想不過係想賺好多錢，或者過好而簡單的生活，確實如筆者所言，可能有其他途徑更加直接，更少損耗，更低Burn Rate就可以達到你心目中的理想生活。
退後一萬步，起碼呢個年頭創業，唔一定要傾家蕩產，唯一就係你的試錯成本，主要係時間，同你本身的許多個「Could haves」。例：你去創業，幾年後依然毫無氣息，同你同年的表弟，卻已經超額完成MNC MT Program，月入6/7皮準備父幹買樓，而你盤「生意」仲係載浮載沉。過年過節，被親戚問起，尤其比較之下，更係老尷到一個點想搵窿捐。
如此情況，你會後悔嗎？有人會，有人徹底無悔，呢個你要自己好好考慮。
當然啦，可能再過多幾年，表弟依然係個高級打工仔，忙於辦公室政治霸住個位，而你已經創造左件產品改變世界 (或者起碼改變香港），融資千萬計，咁有係另一個講法了。
但，無人有水晶球，對嗎？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
