【轉】山竹之後，可能最恐怖的才剛剛開始…..

SJ前言：上年天鴿同今年山竹，第一次俾後生香港人睇到颱風的威力。但唔知大家覺唔覺，近年的颱風越來越勁，上年就浸晒杏花邨，今年就杏花邨再加將軍澳，以及前所未見地廣泛爛玻璃，港九新界住宅與寫字樓無一倖免。其實，一切源於氣候改變。

今次有位香港網民Redhot K Kwong 就寫了很精警的分析，才明白，原來最恐怖的才剛開始，the worst is yet to come….

摘要如下：

1. 【今次山竹未算勁】今次山竹襲港時，已經唔係 category 5 嘅颱風 (sorry 回歸後我唔用香港天文台嘅料「十號風球」呢D名，亦唔信D風球)，而只係 cat 4，到香港300km時已經開始「散」，亦唔係正面吹正香港，都咁大破壞力，係我見過最强嘅第一個颱風(第2個係温黛），大家諗吓如果 cat 5 正面襲港會點？香港嘅建築物一般可以頂住 250km/hr 陣風幾分鐘幾次，但幾十分鐘呢？【Cat 5 風最少陣風係 >1分鐘及>252km/hr】

2. 以前襲港颱風多生於赤度附近(低緯度)，近菲律賓右邊太平洋，生成一陣就打完菲律賓，再打入南中國海，由於颱風能量源於暖嘅海洋，經過菲律賓再入南海會減弱咗。【但由於全球暖化，生成颱風嘅緯度高咗，D颱風形成後多打去日本台灣】，而強嘅【厄爾尼諾現象出現可以令太平洋中部海水温度升到>26.5℃，有利颱風形成】，今次山竹就係咁，而由於颱風能量源於暖嘅海洋，佢一路行，一路儲能量，山竹最強果陣係285km/hr (遠高於香港建築物抗風標準)，死未？！

3. 【全球暖化，cat 5 颱風陸續有來】，厄爾尼諾幾年一次，全球暖化加厄爾尼諾形成嘅超級颱風會幾年一次，日本人，台灣人，香港人，你哋有心理準備嗎？

4. 【人工島會係颱風中消失】颱風到達時，低氣壓會吸起D海水，今次山竹令海水最高升到4公尺，人工島咪好似將軍澳同杏花村咁囉！今次山竹最近香港果陣氣壓972咋(正常1013)，打菲律賓果陣994，但 cat 5 颱風最低可以 900以下，如果係初二三、十五十六果陣，海水可以升到5-6公尺，尖沙咀地鐵都浸！老老實實，香港未有應付 cat 5 風暴潮嘅經驗囉！

全文請參閱作者原文。

 

SJ結語

大家仲記得十幾年前的《明日之後》嗎？ 當時大家都當一部災難片來睇，裡面因氣候暖化，北極大量融冰而改變了海水流向，從而改變了氣候，有利醞釀更大的超級颱風，結果全世界都受巨型風災吹襲，成個New York浸晒。

正如呢位Kwong Sir分析，今次天竹就係呢種氣候暖化下的「新超級颱風」，而且今次已經唔算吹正，而且已經稍微減弱，依然有咁大殺傷力。睇怕，下年以及更多的下下年，香港（以及全世界）將要面對更多的超級颱風吹襲。

或者真係無咩可以做到，即使全香港人開始少D開車少D開冷氣，都可能都係too little too late，除非全世界有大規模行動。

起碼，嘗試從自己開始吧，當是積一點德。

StealJobs全面透露各行各業人工，工時，晉升前景，以及入行攻略，歡迎匿名提供收入資料。

而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。 

立即加入StealJobs@FB 更多90後上位攻略