在日本公司工作,你不可不知道的事實

多年前小弟喺一間日資銀行做一個「小薯」,雖則未經歷過如「半澤直樹」果種戲劇性豐富嘅職場生涯,但無可否認,日本公司嘅職場文化以及日本人嘅工作態度,相信唔係好多香港人頂得順。我可以簡單同大家分享一下係日本公司做野嘅苦與樂,睇下你地又覺得自己適唔適合做。

螢幕快照 2015-11-30 下午11.41.56

超強嘅民族性


日本人嘅民族性好強,非常團結,依種特質本來係一個優點,但當依種特質出現係一個國際性企業入面既時候,反而會變成一個絆腳石。即使係日本海外嘅地方總部,上至高級管理層,下至一個細小部門的主管職位,公司都鐘意安插大量日本人擔任,無他嘅,鬼叫你唔係日本人,如果你係,你就會覺得成件事係天公地道。另一方面,公司咁做嘅另一個目的,就係搵佢地信得過既自己友去「監視」我地依D外人,以防我地做反。
雖然講到咁黑暗,但又唔係話你完全無機會升官發財嘅,但正如頭先咁講,有唔少管理職位都俾左日本仔,剩番俾你地D外人嘅自然大減,大家嘅上位機會當然比其他公司少,假如你係好aggressive嘅年青人,我會建議你另謀高就。
仲有一點,基於佢地咁強嘅民族性,無論你爬到幾高職位,係一個低級過你嘅日本仔面前,依然要保持客客氣氣,你要明白係依個扭曲左嘅森林入面最重要嘅生存之道 — 日本人一定會幫番日本人。

螢幕快照 2015-11-30 下午11.43.01

升職要論資排輩

講開升職,大家一定要知道日本公司係幾咁老土,假設你同另一位香港同事職級相同,論能力你比佢強,但係佢年資耐過你,咁毫無疑問,佢升職嘅機會係大過你。
唔公平咩?睇你點睇啦,日本仔會覺得,每個同事對公司嘅忠誠度係同佢係公司工作嘅年資成正比 (傻的嗎?),但無論如何,升一個年資耐嘅職員而唔係升一個能力高嘅職員,對公司絕對係一個損失,假如你有才能,都唔會甘心繼續賣命啦。

 

食老本

日本人的確善於發明一D好用又好有質素嘅產品,但佢地通常唔係營運企業嘅材料。任天堂、Sony、Panasonic等等牌子,曾經係全世界人嘅生活中佔有一席位,但如今依D品牌嘅光煇已經大不如前,無他嘅,因為日本仔嘅經營模式就係,當佢地發現左一套成功方法之後,就只會花精力去過善依套方法,難聽D講就係「食老本」,之但係依個世界會不斷改變,你今日會成功,唔代表聽日都會成功,無論係大企業定還是公司仔,都要創新改革先能夠繼續生存,而依一點正正係日本仔永遠都唔識變通嘅地方。作為打工仔,公司搞得好未必等於你份糧好,但公司搞得唔好你就一定無運行,係一個間意食老本嘅公司打工,就好似同一個好食懶做嘅男人結緍,完全見唔到將來。

 

退休首選

講左咁多日本公司嘅惡頂之處,都要講下佢地值得讚嘅地方。首先,如非萬不得已,就算你做得幾差都好,佢地係唔會炒魷魚,依種就係日本公司嘅獨有文化,佢地覺得請一個人番黎,就要對佢負上責任,單計依點其實好過唔少港資外資企業。第二,佢地嘅醫療福利非常好,如果只係做一個小手術,費用可能全包添,雖然依樣野你未必成日享用到,但萬一有需有都真係幫你慳番唔少。所以就咁睇,日本公司最適合一D想過半退休生活嘅中年人,我周不時都同舊同事吹水咁講,到我中年果陣,如果舊公司有咩executive位想請人,記得通知我,我實唔會怕醜番去食回頭草。

 

轉載自人氣blogger 鬼牌, 中環人請關注。

 

SJ結語

其實香港很多人對日本公司了解不深

要明白:日本公司如Sony近十年對美國Apple南韓Samsung等落後也許是有原因的

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags:

Comments are closed.