香港人常言道：共患難不能共富貴。
最近商場上，則上演一場活生生的「最佳損友」：馬雲同順豐王衛正式決裂。
首先，值得留意的是：馬雲同順豐王衛，其實分別都同香港有莫大淵源。
馬雲雖然一直在杭州創業，但最關鍵的始終係在香港進行的首輪Goldman Sachs融資，令阿里巴巴由一個名不經傳的網站(當時仲要係個討論區)，搖身一變做一間有過千萬市值的科網企業，而且後來阿里巴巴B2B亦在香港做IPO上市。
至於順豐王衛，細細個就跟父母移居香港，後來讀書普普通通就去順德找機會，幫港商帶貨板同文件，往來順德同香港，呢個就係順豐的雛型。
除了他們與香港的淵源以外，佢地同樣有著頗為平凡的出身：一個係英文教師，另一個做跑腿幫人帶貨，似乎亦非父幹L。
後來，呢兩個人不約而同地係2000 － 2010 十年之間取得巨大成就：淘寶同順豐，分別都係富可敵國的企業，而馬雲王衛二人，亦盤踞在中國富豪排行榜三甲位置。
即使你唔上淘寶買野，但好可能都知道，其實淘寶同順豐的成功，可謂相輔相成。
即使在淘寶推出的早期，順豐一早已經係淘寶的指定送貨商之一，而令順豐從幫人帶貨變成13億人網購物流的必然選項，完全食正條水。
至於順豐一早亦憑其頂級User experience以及極速送貨時間，協助淘寶成個購物流程的用戶體驗變得更好更Smooth，連退貨都變得非常簡單容易。
馬雲亦講過：王衛是他講過最有錢而勤力的人。
就淘寶而言，E-commerce的中國市場打低了Amazon，Ebay等國際巨企，亦擊敗了眾多本地勁敵。
另一邊廂，國際級服務的順豐，亦令大陸一大堆「中通」「申通」「圓通」之流無地自容。
某程度來睇，可能無淘寶就無順豐，但無順豐都可能無淘寶。
直到如今，馬雲身家2000億，而王衛亦超過1800億。
馬雲早在幾年前已經開始一個「菜鳥網絡」Project，試圖以大數據科技做一個快遞雲端平台，藉以進一步Optimise貨運公司對淘寶貨品的派送時間。
而順豐一早已經係中國貨運龍頭，擁有巨量數據，但可能亦視之為Proprietary的商業機密，即使馬雲方面要求提供相關數據，順豐一口回絕。
如是者，馬雲在對順豐發出最後通牒後，將淘寶上對順豐的選項移除除。而順豐亦不甘示弱，將淘寶客的Track貨品去到邊的功能暫停，搞到班淘寶客大為緊張。
呢件事，對於一年處理十萬億銷售額的淘寶，以及淘寶Order佔其重大比重的順豐，都係一件非常大事。以香港的Context，可睇為759阿信屋唔再賣芝士公仔麵 (規模細好多)，或誠哥的貨櫃碼頭唔再比某間跨國航運公司埋岸。
Also on SJ: SF Express 順豐速遞Executive 收入
當大家食花生之際，阿爺出手擺平咗件事，勒令雙方顧全大局。如果換係世界其他地方，好可能已經會打一場巨型官司，鬥個你死我活。
雖然如此，雙方已經有了芥蒂。順豐王衛亦高調轉投騰訊陣營，正中騰訊馬化騰一直想做E-Commerce的渴求。往後發生的一切，其實對幾間巨企都唔會有太大影響，反正幾間都係Too big to fail，除非極度愚蠢的錯誤或極端的地緣政治，否則所謂「BAT」以及順豐都只會越做越大。
然而，尤其以馬雲同王衛兩個背景有幾分相似，而且又某程度相輔相成而做到咁成功的企業家的故事而言，真係一個好典型「共患難不能共富貴」的例子。
只要屋企係做生意，對呢種故事唔會陌生：窮人出身的幾兄弟，同心協力創業做生意，歷盡艱辛終於「脫貧」，大家都結婚及有車有樓後，往往就係摩擦及紛爭的開端。情況有各種演變，但大都以打官司或完全反面收場。近年被日本公司十億收購的譚仔就係好例子。
即使唔係夾份做生意，而係生意夥伴，例如供應商與客戶，蜜月期齊齊有錢賺，繼而稱兄道弟誓要「拍住上」。但多年過去，唔係慢慢淡出就係其中一方對另一面 (或雙方都有同感) 的苛刻要求或越來越低的Profit Margin越來越不滿，繼而鬧交收場。
無他的：「以我XXX今時今日，使再受你YYY氣？食屎啦！要我做咁既價，你估搵笨柒？ 以前就話無得揀，而家我唔L使靠你！我唔做你生意都大把生意啦！」
所以話，係好朋友的話，如非絕對必要，真係唔好合作做生意。
當然，自然而言之選就係同朋友合作，但商場上真係無永遠朋友，只有永恆利益。即使無反面，大家的友誼亦會因金錢而慢慢變調。
珍惜你的朋友，Don’t go into business with them。
SJ結語
人生有太多事比賺錢更重要，其中一樣就係友誼。
有經歷的人會明白此一道理。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
