我係一名律師。多得這個社會給律師醫生這些崇高職業人的stereotypes, 時常會令我遇一些苦笑不得的情況。譬如話：
圖為TVB 劇照，當年的流氓律師 “MK Sun” 深入民心
1、當我朋友將我介紹俾佢班朋友時，大家會不約而同認為：我口才一定好好，可以口若懸河滔滔不絕同佢地古今中外無話不談。但現實係，我只係一介毒L。
2、有日，朋友指住報紙上的一單人倫慘劇，佢覺得受害人好冤枉，兇手應該落地獄，義憤填膺。我只不過講咗句，要睇證據先知道，佢覺得我唔係人…
3、緊接上條，因為我個句需要睇證據。我朋友話我知佢婆婆話我職業道德與人性道德觀低迷…
4、除咗朋友，連姨媽姑姐都覺得我見多識廣，咩都識啲。（其實我都係同客吹水吹多聽返來）
5、朋友有個上千萬的project，佢想問問法律意見。佢架車俾另外架車刮花小小，佢想問我法律意見。佢去salon染頭，隻色佢唔鐘意。佢問我法律意見。
Also on SJ：“In-house”律師 還是 律師嗎？
6、朋友有個好好既創業idea，話本小利大，然後興致勃勃告訴我，叫我一齊做，我負責比legal advice，一於齊齊發達咁話。我的Legal advice，就係做呢盤生意會抵觸某條法例，佢話咩法例都唔緊要，我係律師黎架嘛，“總之你幫我捻掂佢啦！” …
7、朋友諮詢我一個佢認為好簡單的問題，我反過來問佢關於件事的十個問題有助了解事件因由。佢話我好囉嗦做咩問咁多，係咪唔想幫？ ….
8、朋友話佢某個朋友介紹佢轉工去某某公司話做finance方面既野，send咗佢老細張卡片我睇，問我做呢份工有無d咩要注意，我發現公司係某某工業大廈 “X財務策劃管理公司”，用“專業技能替客戶收爛數” 以及 “免審核即日提供貸款”。我叫佢注意下公司業務係咪合法，例如利息是否高過香港法律163章《放債人條例》的最高利率，結果佢無再覆我。
Also on SJ：我個人都幾醒，應該做大律師嗎
9、朋友最常評論我工作的意見係，你搵錢咁易，講兩句objection同蓋個印就幾皮野入袋。（1. 事務律師好少上court；同埋 2.這位朋友完全跳過咗蓋幾個印前我幾晚OT過程…and個幾皮唔係入我袋…）
10、一年去一次旅行，唔知點解朋友都會有感而問 “哇！你又去旅行啦？做律師真係嘆啊！”(然後重複返上一條的評論…)
11、出現旅行前的一晚，通常凌晨兩點我仲改緊份臨時要求急用的contract。
12、當我的建議或proposals有效解決朋友的問題時，我終於感受到到作為朋友的價值，“有一個律師朋友，實在太幸福啦”（尤其是免費的時候……）！
13、朋友同老婆鬧交，問我可以如果選擇離婚會點…我娓娓道來其中法律觀點，其他朋友鬧我點可以勸朋友離婚…
Credit: TVB
14. 對住事務律師的朋友講：“你幾時考埋個牌升做大律師啊？” （或者問，大律師係咪搵得多好多錢架？）
感謝讀者支持，歡迎各行各業投稿至 StealJobs.com@Gmail.com
SJ結語
做律師在朋友之間往往地位特殊，但總體來講一般人對律師的工作都係瞎子摸象，充滿誤解。而你身邊有律師朋友嗎？有否問過類似的問題？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
