住公屋一定「窮三代」？日前有連登巴打發帖討論，指「大多數的香港公屋家庭會窮足三代」，指公屋父母「用最低成本去養大自己個仔女，然後搏佢成為人中之龍」，認為公屋父母不願意花錢栽培下一代，因此決定了小朋友長大後未能憑知識改變命運，難脫離貧窮。有網民非常贊同巴打的講法，亦有網民以自身的經歷反駁樓主，指成功向上流講求自我決心，而非父母的幫忙。
有連登巴打於連登以「點解大多數的香港公屋家庭會窮足三代唔係無原因」為題發帖引發討論。巴打指香港公屋父母有一套養育小朋友的方程式：
因為由你細細個開始已經有一套套路，用最低成本去養大自己個仔女，然後搏佢成為人中之龍。
隨後巴打開始講述公屋父母育兒的方程式。例如7歲時公屋小朋友入讀一間屋邨小學，小朋友問媽媽可否學彈鋼琴，媽媽回答「鋼琴有錢人先玩，唔好學埋曬啲無謂嘢，悶就落街打波」，於是小朋友在街頭認識了一班「豬朋狗友」
當小朋友12歲要考呈分試，小朋友用心溫書，但遇到功課有不明白想請教爸爸，爸爸卻說「唔好阻住我賭馬」，小朋友只好死背，但從不明白算式的道理，最後入讀了一間band2屋邨中學。
16歲準備應考DSE，目標考入香港大學，但發現自己十多年來渾渾噩噩無讀好書，決心急起直追問爸爸拿錢補習，但爸爸說「我以前讀書使鬼補咩」。
最後巴打寫道：
22歲畢業時候，你搵到份1xk 起薪嘅工。
回首一望屋企人完全無support過你。當你同佢攤牌佢又話你不孝，仲叫你準時俾8k家用，基於責任同無膽你又唔敢唔俾。
結果公屋又排唔到 ，搬又搬唔到出去住，日日就係咁俾老豆老母ｘ。完
巴打稱，上述的成長經歷是自己的「童年陰影」，認為亦是「以上最少有一半係公屋仔女嘅寫照」。為了脫離「公屋窮三代」的魔咒，於是他小時候偷媽媽的錢，再加上自己的利是錢用作補習費，勉強入讀了香港大學，再加上半工讀及借Grant loan，於是畢業時已儲了約15萬元積蓄。
帖文引起不少網民熱烈討論，有部分網民非常贊同巴打，指貧窮家庭本來每天已經要為基本生活開支煩惱，根本難以有心神或時間再思考其他問題。另有網民斥巴打只會埋怨，倒不如靠自己向上流：
你仲有時間去向上流， 埋怨上一代是無用的
但亦有部分人以自身經歷反駁，指自己同樣公屋出身，但父母自小已把最好的留給自己，只要在能力範圍內，興趣班或食用都是最好，父母自知學歷不高，因此從不勉強自己考好大學，只是叫該名網民「唔好學壞同成績太差就得了」，現時該名網民剛畢業，成功考獲政府工，月薪逾2萬元。
原文轉載自Topick, SJ獲授權轉載。
SJ結語
早前SJ的 《香港階級論：家庭背景如何影響一生前途》竟然跨境在北方的微信朋友圈瘋傳，可見「階級」呢個問題係幾咁Universal。
As much as大家中意聽「人人平等」「We are the world」等口號，人生而不平等，呢個係個常識。
一代人，如果可以從出生時的一個階級，經自己努力及把握時機，到退休時上升半個階級（例如Working class升到 Lower middle class），其實已經好了不起。
正如大劉個仔的離地言論可以看到，富人同窮人的仔女，完全活著截然不同的世界，前者除了物質豐裕，更重要的是受優良教育及培育，總係睇到機會；相反，窮人子女，物質貧乏，思想更係悲觀消極。
好多中產/ 有錢人仔女，對於窮人子女的各種不是，好容易跳入一個批評模式，卻沒發現，假如自己在同樣環境成長，可能都係一樣，甚至更加不濟。
Anyway，無錯，社會是殘酷的。但人望高處，只有自強不息才是王道。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
