【伏?】入咗行先知,做本地對沖基金(無乜)出路

我想匿名Share薪酬資訊,並率先獲取 "香港+"職場攻略

早排SJ有一篇關於本地對沖基金的文章寫得非常負面,我自己就傾向同意果篇文章,更sad的是,分享給行內朋友以至公司內識睇中文的基金經理,他們都一致同意該文章所寫的慘況。

該文末SJ結語問有甚麼exit strategy,而該作者還未出現分享,所以我現在簡單分享一下個人意見。

首先,做對沖基金係無咩出路的。跟audit、IBD、consultant不同,對沖基金的分析員本身無咩transferrable skills,所以想回頭根本無辦法。無錯,炒股票可能會涉及一些財務分析,但同auditor比,股票分析用的財務分析顯淺至極。因此一般來說做開二級市場對沖基金的人都係無咩轉行空間。現在盛行family office,有唔少人會轉到這些地方,因為AUM都是老闆自己的,相對穩定,但其實做的事都是差不多,算不上轉行。

 

如果真想轉行可以考慮出國到所謂M7/S16的學校讀個MBA,洗百幾萬讀個2年MBA轉行值唔值? 見人見智,但如果現在的情況真的很差又真的很想轉行,擺低百幾萬可以拯救自己career我覺得絕對值。錢也不是問題,這些比較出色的商學院都可以安排貸款。但問題是現在情況很差的話,要進S16的學校也不容易,但這是題外話。

 

選擇繼續留守本行的話,其實都無咩秘訣,轉工不外乎是想去更大的基金,表現更好的基金或者會給你更多responsibility的基金。自己比較幸運,可以從一家小的本地基金跳到一家外資中型基金,日子無咁難過。都有一位朋友從本地基金跳到一家外資中型long only,過得比以前開心多了。

但無論想轉到哪都是講一樣野: 識人。很多基金的空缺都靠內推,唔識人的話你連有地方請人都唔知。即使一些大基金會放到網站公開招募,但其實單計內推都有幾十人競爭。點先識到人?入行做了1,2年的人應該自己會識,不用多講。

 

另外一樣值得注意的是自己的技能跟想申請的基金fit唔fit。很多對沖基金都是短炒為主,見有新聞就炒,有些就睇圖來炒,model都唔洗點砌。這些想入較大的基金就有點難,因為有規模的基金轉身慢,一般來說都傾向長揸,對基本分析的要求更高,想轉工唯有自己惡補一下。另外面試技巧等當然要惡補一下,早排那篇文章文末寫了一句我又幾同意。”但筆者所見,很多在小對沖基金的朋友並沒有優秀的搵工技巧,有技巧的同學都在畢業時進大公司了。” 身邊都幾多一畢業就入本地對沖基金的朋友都係入唔到大投行而要到小基金的,當然間唔中有1,2個奇葩係自己有大公司唔做係要揀條難行的路。

 

其實上面所講都算不上甚麼技巧或秘訣,好多野都是人所共知。但點解都係咁多人stuck左係本地小對沖基金? 因為世界本身真係好難撈。

 

Also on SJ:對沖基金、私募基金?有咩分別啊?

 

本文為SJ讀者投稿,作者 金融Cynic 《本地對沖基金的出路》

 

SJ 結語

 

個個以為做Hedge Fund一定好巴閉,其實風光背後,又有幾多辛酸?定係有苦自己知?

只有行內人才知道撈得有幾心酸 :) #感謝揭密

有句好行的鼓勵說話叫「行行出狀元」,有人可能會覺得係咪「報憂不報喜」,有料的人去到邊都有機會往上流。當然如此,但係都要知道這些向上流動力也參雜著一些運氣、能力和本身個人魅力的因素。而且對行業的認知,行內唔同人都有唔同看法,有人覺得好好撈,可能因為自身一些條件,亦有人覺得難撈,可能因為身處的公司與老闆的一些問題。反正,知多D一定無壞。

SJ Team很喜歡這一類文章,因為很少人願意曝光行業不那麼風光一面。例如有些人賣面膜能年收入達上千萬,但你或許不知道有很多人賣同樣產品賣到變負資產的。

btw fund man大佬 你地帶咩牌子的錶

 

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , , ,

Comments are closed.