係中環，充斥著所謂 「Alpha type」性格的打工仔：自覺聰明絕頂，人中之龍，對眼生係額頭，基本以上一種 「I am better than you」的世界觀待人接物，以下簡稱他們為中環式「醒目仔」。
通常一到Weekend的朋友聚會，就會遇見呢種中環式「醒目仔」。呢種中環式「醒目仔」，往往由以下的化學元素組成：
1. 剛從外國大學畢業
2. 家底唔錯，父母做規模唔細的生意
3. 有幸一畢業就入到講出來好威的公司，如 i-bank及頂尖的consultancies等
他們一行出來已經趾氣高揚，神氣十足，目光炯炯有神，個頭Gel到好似會展個鷗翼屋頂咁，著一件Charcoal色意大利名牌西裝。雖然他們可能只係出來做半年野左右，但手戴一隻價值20萬的勞力士Daytona，開一部父母獎勵其順利畢業的Benz SLK或Audi S4出入。
係 Sevva 或文華的餐廳，雖然他們讀埋Master或讀埋MPhil先出來做野，年紀都唔算細，但工作經驗可能最少。他們卻習慣開口埋口就係豪言壯語：
「我地 [某i-bank / consultancy ] 的人個個都真係醒過出面的人好多。 外面的白癡仲浪費時間去慢慢 identify一個問題，我地已經 Reverse engineering 咁找到解決問題的答案，呢個就係分別所在。」
「我pick個幾隻股票，過去半年全部跑贏大市，可惜我個人只係買左十萬，如果我買夠一千萬，而家已經淨賺左一百萬，回報仲高過好多 Fund。」
這些中環醒目仔，除了歌頌自己公司（同埋自己有幾巴閉）外，仲喜歡不停name-dropping：
「上個月我先同 [某香港富豪] 個仔 XXX 食飯，原來佢都識 [某另一香港富豪]個仔 XXX ，即係XX地產個老闆，佢地而家係大陸投好多地。」
「仲有騰訊個財務總監 X 總，我同佢好熟，我地成日去Country Club打波。」
食一餐飯 90分鐘，基本上係呢的 「醒目仔」的個人lecture，90%時間都由他們主導話題。 大家越沉默，醒目仔就越High，手舞足蹈彷如 Steve Jobs上身，從自己成功預測美國加息，講到自己如何Advise一間半導體企業轉型，大家眼前這位醒目仔，就係一個自命不凡的商業奇才，好像一舉手一投足，足以影響世界經濟大局。
終於，食完餐飯分道揚鑣後，大家私底下不約而同道：下次咪搞。
平心而論，有時自信同自大真係只差一線，條界線真係模糊不清。
呢位醒目仔其實可能只係好興奮好雀躍，想同大家分享自己工作上的思想衝擊，但有時過左火就會好似曬命定扮野。
出來社會，其實只要做多幾年野，唔難發現原來天外有天，人外有人。
當你一畢業無耐就月入 5-10萬，出入Landmark與四季酒店，每日朝9晚11，所有客戶唔係MNC就係個名響當當的 Family Office，你條Team個老闆一開口就要求個客比350萬顧問費訂金時，難免你會覺得自己係on top of the world，全世界最醒係你。
On top of the world – 中環在我腳下 ?
月入 5-10萬固然唔係低收入。係中環，一個月入7萬的人，對眼通常都已經生係天花板，非常睇唔起那些月入低過3萬的人，覺得他們不夠勤力，不夠Smart，唔出色，也不值得做朋友。
月入7萬的人，相比起月入2萬的人，固然差三倍以上。 用咁微觀角度睇，月入7萬果位真係幾叻仔。
但其實，呢個又何嘗唔係井底之蛙的五十步笑百步。月入2萬又好，月入7萬又好，甚至月入10萬都好，其實同真正賺大錢班人依然差天共地。
SJ就有認識人白手興家，自己創業做生意越做越大，30歲未到已經年賺1000萬，請15個全職員工。
當你見識過世界，見識過真正的叻人，其實反而會變得更加謙虛。
Credit: Internet
對於比自己優越的人，無需自卑；對於環境比自己差的人，也無需急於奚落嘲笑其無出色。
無論工作與待人接物，其實無需認叻。 有料無料，市場自有公論，尤其係長遠來看，人的成就高低分野會更加明顯。
最終，真正有料 (也有點際遇) 的人會跑出，而且拋離其他人非常遠。豪言壯語與認叻，其實係完全晒氣。
Also on SJ: 我去過的中環飯局：民企老闆 / 專業人士 / 港式世界仔
SJ結語
寄予那些感覺良好，以為自己係精英中的精英的人: 切記要謙虛。
否則，蝕底的肯定是你自己，你的氣焰只會令你走更多冤枉路。
認叻的人，大部份終歸被大家遺忘。
相反，沉著迎戰而又堅毅不屈的人，最終才會得到世人的鼓掌。
後話： The above being said，有時都幾懷念那些年少氣盛的輕狂日子。
從前串串貢的死?仔，慢慢變成老油條，或許這就是成長了。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
