成日都聽僱主講，而家請人越嚟越難。
正確D講，好多僱主話而家請一個合適嘅人越嚟越難，特別係一些公司規模唔係好大同埋一些初創企業的僱主。
最近同幾個僱主傾計，佢哋話擺咗份 job advert 上啲搵工網，效用唔大，唔係收到好多CV，無人報。而面試嘅時候，覺得求職者缺乏學習嘅熱誠、正面嘅態度和skills set 唔係好match。
作為僱主、老細、“俾錢嗰個“，可能有大條道理將所有責任都歸咎於求職者身上。
我想問的問題是：係唔係真係求職者既錯呢？係唔係佢哋嘅質素都真係咁差呢？
現今社會，個就業市場充滿前所未有咁多了高技能 (highly skilled) 和高等教育 (highly educated) 既大學生。特別是在2008年金融風暴之後，好多公司都唔請人，大學生喺無選擇嘅情況底下都選擇繼續進修。而家2018年，個就業市場真係多左好多 postgraduate 和 PhD（a.k.a technical experts) 。
因為這些高學歷的人都和其他人應徵類似的工作，現在的競爭真的比起以前任何時候都大。
個個都咁高學歷，那麼理論上應該很容易請人？點解僱主話唔係？
我覺得這個情況很特別，所以做咗少少資料搜集，今日同大家分享。
我相信問題來源係來自於 job description。
(唔好話我癡線住，俾個機會我解釋下同埋說服下你。）
假設所有的求職者都能夠寫出一份winning CV，有一流嘅面試技巧。(雖然唔係一個好現實嘅假設，但係網上真係有好多websites, blogs, 影片和書籍教人點寫CV和面試技巧。)
但是，我們很少看到關於如何編寫好的job description的文章。
作為僱主，寫份job description有幾難，都係寫份工做嘅職責同埋有什麼學歷上和技術上的要求。好多時候都係寫一個ideal candidate，大家都明白請一個符合所有條件嘅人難。
睇咗幾十份 job adverts，我發覺除咗大公司之外，好多job description裏面都無提及公司會提供比員工嘅培訓、事業發展和專業考試的支援。只有寫人工、福利或幾日假，有啲真係連這些資訊都沒有。
如果我係一位大學畢業生，我會比較有自信心，認為我有選擇權去選擇去一間有前途嘅公司工作，唔會報一啲冇前途嘅工。
咁係一個非常之正常的做法。
而搵工既時候會在那些地方首先看到有關工作前途的資訊？
無錯，就係個 job description！
假設如果有10間公司，佢哋有相同的規模、聲譽、人工和福利，連請嘅工作都一樣。唯一的分別，就是他們在網上寫的 job description。
一個高學歷、有學習熱誠嘅人會報邊間？
一定係報最有前途最多學習機會既公司。因為，寫份好嘅CV固然重要，選擇一份有發展有前途的工作才是大家的最終目標。
有啲人睇嘢會短線一啲，選擇一份起薪人工高一點但沒有前途和成長有限的工作。見過太多類似例子，一兩年之後又再出嚟搵工，因為真係唔鍾意。這時候才意識到選擇一個合適有前途的工作的重要性。
所以我唔介意選擇一份起薪稍低一點的工作 (當然唔好太低)，但份工一定要提供更好的事業發展，唔會報沒有增長機會沒有前景的工作。
簡單來說，如果想吸引頂尖(和合適)的人才，其實係唔係應該先寫一份有吸引力的招聘廣告？
“溝通是雙向的，任何關係都一樣。”
沒錯，我哋又係講緊溝通技巧，只是在這個例子，我們談論的是written communication skills，而且係僱主方面的溝通技巧。
其實道理好簡單，寫CV嘅時候如果我冇寫一種技能，僱主就會認為這技能不存在。同樣的道理，寫job description嘅時候如果冇寫任何培訓和發展機會，求職者都會覺得它不存在。
如果job description 裏能夠清楚說明在職培訓、事業發展等的資訊，工作的吸引力會大大提高，筆者深信僱主會收到多好多合適的CV。
這可能解釋了為什麼大部份人才和求職者都希望進入跨國企業工作，除咗因為人工和福利好少少之外，就是因為這些公司清楚寫明發展比其他公司好。這些發展可能包括1）一個年輕有energy的團隊中工作 2）公司鼓勵內部調派 3）公司提供在職培訓等等。
所以今天我和大家分享5個求職者搵工時候常問的基本問題。
- 有什麼職業發展和晉昇機會？可以學到什麼？
- 支援考專業資格？
- 有什麼在職培訓或其他技能培訓？
- 公司對內部調派的政策是什麼？
- 有沒有mentor？
唔係淨係人工、福利和一年有幾日假。
Credit: internet
最話，這篇文章並不是對全世界所有企業開戰。作為求職者，我們永遠都會努力把CV寫得最好。只是想說所有的溝通和關係都是雙向的，寫份好的job description，多點發展和培訓嘅資訊，工作吸引力會大大提升。
作為求職者，如果能夠表現出合適的技能，就可以得到一份工作。咁作為僱主，如果能夠表達出合適的事業發展和在職培訓，一定會吸引大量頂尖合適的人才。
仲有，其實這些發展和培訓都是有提供的，只是很多僱主沒有把這些資訊寫在job description上！
Come on!
Also on SJ：【特急】做銀行做到好似StartUp咁？9月26有機會體驗，仲要係Citi！
SJ 結語
確實，企業對待它的job description 不見得會多花時間，求職雙方somehow多數是抱著 “佛系” 的心情，如果這份工是屬於我的，我最終都會得到offer。然後呢？大家沒有想太多，到時先算。
對於求職者，大家是否應該用更加理智甚至超主動去對待求職這件事。錢很重要，但前景也同樣重要，如果你心中對這份工作有疑問，一定要求自己在接納offer前問清楚，不要繼續佛系下去，不要抱著不喜歡我再搵過的心態，你要主動去了解，厚著面皮去問，只能是這樣。
對於企業，一份有力的JD像是化了個靚妝，吸引人對你了解更多。如果你是一間成長型的公司，你應該了解到不少的MNC也著手對外打造出活力一面，點解佢地不惜重金都要咁做？在機器未取代人類工作的一天，好的公司還是需要能力高的人加入。而佢地的用心，就是要告訴你，“我們不一樣”。、
本文為 SJ Blogger Sam Law Communication 投稿 《成日話請人好難，係job description嘅錯？》
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
